Օրվա «look»-եր. Դայանա Դավթյան, Անահիտ Սիմոնյան, Մերի Երեմյան, Աթենա Մանուկյան, Գոհար Գասպարյան (ֆոտո)
17:21 6 ապրիլի, 2023Կոստյումային, դասական, պրինտային ու «casual». այսօրվա «look»-երի մեջ տարբեր կերպարներ ենք առանձնացրել, իսկ հնգյակում տեղ են գտել Դայանա Դավթյանը, Գոհար Գասպարյանը, Աթենա Մանուկյանը, Մերի Երեմյանն ու Անահիտ Սիմոնյանը:
«Միսս Տիեզերք Արմենիա 2019» Դայանա Դավթյանը եւ հաղորդավարուհի Գոհար Գասպարյանը հետեւորդների հետ կիսվել են դասական եւ կոստյումային լուքերով:
Դայանան նախընտրել է վարդգույնը: Լուսանկարում նա կոստյում հիշեցնող զգեստով է եւ նույն երանգի կոշիկներով: Վարդագույնի մեջ մոդելը, հատկապես, Բարբի տիկնիկի է հիշեցնում:
Գոհար Գասպարյանը ցուցադրել է այն կերպարը, որով նկարահանվել է «Մենք Եվրատեսիլ»-ում նախագծի հարցազրույցում: Հաղորդավարուհին կրկին համագործակցել է դիզայներ Ֆաինա Հարությունյանի հետ: Թելիկներով զարդարված սեւ կոստյումը Գոհարը համադրել է վագրային պրինտով սպորտային կոշիկների հետ:
Հունահայ երգչուհի Աթենա Մանուկյանը լուսանկար է հրապարակել Գերմանիայից: «Եվրատեսիլ 2020»-ում Հայաստանի պատվիրակը սպիտակ լուքով է: Աթենան կրում է միմյանց հետ համադրվող բլուզ եւ տաբատ, որոնք արված են թրենդային՝ ժանյակավոր լուծումներով:
Մերի Երեմյանը ցուցադրել է «casual» լուք. դերասանուհին սեւ ու սպիտակ գույների մեջ է: Ի դեպ, զոլերը եւս շարունակում են մնալ թրենդի մեջ:
Դե, իսկ պրինտվոր զգեստները, հատկապես, երբ խոսքը պուտերի մասին է, երբեք չեն զիջում իրենց դիրքերը: Ահա՝ Անահիտ Սիմոնյանի լուքը՝ պուտավոր զգեստով:
Լուսանկարները՝ հայտնիների ինստագրամյան էջերից