Աֆիշա․ ո՞ւր գնալ այս շաբաթ

Ինչպե՞ս ավելի հետաքրքիր դարձնել շաբաթը, ո՞ւր գնալ, որքա՞ն ծախսել եւ ինչպե՞ս լիցքաթափվել։ Առանձնացրել ենք 7 հետաքրքիր իրադարձություն՝ հատուկ մեր ընթերցողների համար։

Ապրիլի 10. Հին Անի Մյուզիք հոլլում ելույթ կունենա հեղինակային երգի մշակույթի հիմնադիր, երգիչ, երգահան, կիթառահար Ռուբեն Հախվերդյանը։ Երեկոյի ընթացքում կազմակերպիչները խոստանում են «մի ուրիշ հախվերդյանական տեսություն»: Համերգի սկիզբը՝ 20:00-ին։ Տոմսերի արժեքը՝ 6000, 7000 եւ 8000 դրամ։ 

Ապրիլի 11. Երեքշաբթին լավ տրամադրությամբ է հրավիրում անցկացնել Հովհաննես Դավթյանը։ Գ․ Սունդուկյանի անվան ազգային ակադեմիական թատրոնում տեղի կունենա հումորիստի «Ասի՝ ասեմ, չասեք՝ չասեց» ստենդափ շոուն։ Ներկայացման սկիզբը 19:30-ին է, տոմսերն արժեն 3000-ից 8000 դրամ։ 

Ապրիլի 12. Կոմիտասի անվան կամերային երաժշտության տանը կկայանա բարեգործական համերգ՝ նվիրված շնորհալի երեխաներին։ Մասնակիցներ՝ Դանիիլ Կրամեր, Լեւոն Մալխասյան, Գարիկ Սարիբեկյան, Մալխաս ջազ բենդ, Դանիել Միհրանյան։ Ծրագրում ներառված են ջազային ստեղծագործություններ։ Սկիզբը՝ 19:00-ին։ Տոմսերի արժեքը՝ 8.000, 10.000, 12.000 դրամ:

Ապրիլի 13. Հին Անի մյուզիք հոլլում սաքսոֆոնյան երեկո է սպասվում․ Ելույթ կունենա սաքսոֆոնահար Դավ Հովհաննիսյանը։ Կազմակերպիչները խոստոնում են լավ տրամադրությամբ ու անակնկալներով լի երեկո։ Համերգի սկիզբը՝ 20:00-ին, տոմսերն արժեն 6000, 7000 եւ 8000 դրամ։

Ապրիլի 14. Եթե սպորտի սիրահար եք, ապա գնացեք Կ. Դեմիրճյանի անվան մարզահամերգային համալիր՝ վայելելու Ծանրամարտի Եվրոպայի Առաջնության բացման արարողությունը։ Սա ծանրամարտի առաջնության ամենասպասված միջոցառումներից մեկն է։ Առաջնությունը կմիավորի մարդկանց ամբողջ աշխարհից՝ տոնելու աշխարհի լավագույն ծանրորդների նվաճումները։ Միջոցառման մեկնարկը՝ 20:00-ին, տոմսերի արժեքը՝ 5000-20000դր.:

Ապրիլի 15. Արամ Խաչատրյան համերգասրահում տեղի կունենա Գարի Քյոսայանի եւ իր ջազ քառյակի համերգը, ինչպես նաեւ՝ «Արմենիա» ձայնասկավառակի շնորհանդեսը։ Ծրագրում՝ նոր ստեղծագործություններ եւ երգի պրեմիերա։ Մասնակիցներ`Իրինա Զակյան, Ալլա Սահակյան, «Արեւիկ» անսամբլ։ Համերգի սկիզբը՝ 20:00-ին։ Տոմսերի արժեքը՝ 2000-10․000 դրամ:

Ապրիլի 16. Կիրակին հեքիաթային դարձրեք ձեր փոքրիկների հետ միասին։ «Փերփերի» ներկայացումը կլինի Գ․ Սունդուկյանի անվան ազգային ակադեմիական թատրոնի բեմում՝ 14:30-ին։ Տոմսերի արժեքը՝ 3500-8500 դրամ: Մինչեւ 3 տարեկան երեխայի մուտքն անվճար է: