Կառլ Լագերֆելդը Vogue ամսագրի մայիսյան շապիկի աստղն է
22:15 12 ապրիլի, 2023Կառլ Լագերֆելդը Vogue ամսագրի մայիսյան շապիկի աստղն է։ Նորաձեւության հրատարակությունը հարգանքի տուրք մատուցեց Լագերֆելդի ժառանգությանը մի թողարկումով, որտեղ ներկայացված են 10 մոդելներ, որոնց «ամենից շատ էր սիրում» հանգուցյալ դիզայները, այդ թվում՝ Անոկ Յայը, Շալոմ Հարլոուն, Քենդալ Ջենները, Լյու Վենը, Ադուտ Ակեչը, Նատալյա Վոդյանովան, Նաոմի Քեմփբելը, Էմբեր Վալետտան, Ջիջի Հադիդը եւ Դեվոն Աոկին։ Ֆոտոշարքին մասնակցել է նաեւ Լագերֆելդի սիրելի կատուն՝ Շուպետը։
Տասը դիզայներներ՝ Պերպաոլո Պիչչոլին Valentino-յից, Թոմ Բրաունը, Դոնաթելլա Վերսաչեն, Ջուն Տակախաշին Undercover-ից, Քրիտֆեր Ջոն Ռոջերս, Ջոն Գալյանոն Maison Margiela-յից, Օլիվյե Ռուստենը Balmain-ից, Չիտոսե Աբեն Sacai-յից, Gucci եւ Սիմոնա Ռոշան հարգանքի տուրք են մատուցել դիզայներին։
Vogue-ի շապիկի վերջին նկարահանումները տեղի են ունեցել Փարիզի Grand Palais-ում՝ 2023 թվականի Met Gala-ին ընդառաջ: Նորաձեւության այս տարվա ամենամեծ երեկոյի թեման է «Կառլի պատվին»։
Գերմանական ծագմամբ կուտյուրեն միեւնույն ժամանակ ծառայել է որպես բազմաթիվ նորաձեւության տների, այդ թվում՝ Chanel-ի, Fendi-ի եւ Chloé-ի ստեղծագործական տնօրեն տասնամյակներ շարունակ, ինչպես նաեւ ղեկավարել է իր համանուն միջազգային նորաձեւության լեյբլը։ Նա մահացել է 2019 թվականին՝ 85 տարեկանում։
Vogue-ի գլխավոր խմբագիր Աննա Վինտուրն ասել է, որ թեեւ Լագերֆելդը «հայտարարել է, որ նորաձեւությունը տեղ չունի թանգարանում, այն պետք է առաջ նայի եւ չդավաճանի պատմությանը», ուստի ուրախ է հերքել նրա փիլիսոփայությունը, «որովհետեւ ես գիտեմ, որ նա սիրում էր ճանաչված լինել, եւ ավելի արժանավոր չկա: