Նյու Յորքում առաջին անգամ «առնետների թագավոր» է նշանակվել
23:20 13 ապրիլի, 2023Նյու Յորքը նշանակել է պատմության մեջ առաջին «առնետների թագավորին», ով կզբաղվի առնետների աճող թվով, որը դարձել է «կյանքի որակի եւ առողջության հիմնական խնդիր»:
Նյու Յորքի քաղաքապետ Էրիկ Ադամսն ավագ դպրոցի նախկին ուսուցչուհի Քեթլին Քորրադիին անվանել է կրծողների դեմ պայքարի առաջին տնօրեն կամ «առնետների թագավոր»:
«Վերջերս Նյու Յորքը շատ բան է արել հանրային թիվ մեկ թշնամու՝ առնետների դեմ պայքարում։ Բայց պարզ է, որ մեզ անհրաժեշտ է մեկը, ով կարող է կենտրոնանալ բացառապես առնետների թիվը նվազեցնելու մեր ջանքերը ղեկավարելու վրա, և ես հպարտ եմ հայտարարելու Քեթի Քորրադիին՝ Նյու Յորքի առաջին «առնետների թագավորին», - ասել է քաղաքապետ Ադամսը:
«Քեթինը գիտելիք, դրայվ, փորձ եւ էներգիա ունի առնետներին վռնդելու եւ բոլոր նյույորքցիների համար ավելի մաքուր ու հյուրընկալ քաղաք ստեղծելու համար», - ավելացրել է Ադամսը:
Քորադին պատասխանատու կլինի առնետների դեմ պայքարի պլանի ստեղծման համար, ինչպես նաեւ կհամակարգի քաղաքային գործակալությունները՝ առնետներին հայտնաբերելու, նրանց սննդի աղբյուրները վերացնելու եւ նրանց ոչնչացնելու համար: