Երեւակայական Երեւանը լուսանկարիչ Գայանե Թովմասյանի օբյեկտիվում
22:15 14 ապրիլի, 2023Երեւան. ի՞նչ է գալիս առաջինը Ձեր մտքին, երբ լսում եք այս բառը։ Մենք պատկերացնում ենք բացիկների պատկերներ․ վարդագույն տուֆից կառուցված տներով փողոցներ՝ ողողված արեւով ու ջերմությամբ։
Քաղաքի ողջ մշակութային կյանքը, որպես կանոն, կենտրոնացած է հենց կենտրոնում, սակայն «ֆասադային» Երեւանի հետեւում թաքնված է նրա ոչ պակաս հետաքրքիր հատվածը։ Հին, լքված կամ կիսավեր շինություններ հանդիպելու համար պարտադիր չէ ծայրամասեր մեկնել։ Երեւանի հենց սրտում, սովորական զբոսաշրջային վայրերից մի փոքր թեքվելով, կարելի է գտնել անցյալի շենքեր, ուրվականներ, որոնք իրենց կյանքն են ապրում ժանգոտ ցանկապատերի հետեւում:
Լուսանկարիչ Գայանե Թովմասյանը հատուկ NEWS.am STYLE-ի համար փնտրում է երեւանյան «ուրվականներին»։
