Դրուիդների (Գալական)՝ 2014 թվականի հորոսկոպը

Դրուիդների (Գալական)՝ 2014 թվականի հորոսկոպը: Հին Գալիայում, Իռլանդիայում եւ Բրիտանիայում նրանք քրմերի բարձրագույն խումբն էին կազմում: Ներկա Մեծ Բրիտանիայի տարածքում բնակվում էին հին կելտերը, ովքեր հավատում էին բնությունը խորհրդանշող աստվածներին: Իրենց քրմերին կելտերը «դրուիդներ» էին անվանում: Դրուիդները իրենց օրացույցը ունեին, որը կախված էր Արեւի դիրքից, իսկ տարին համապատասխանաբար սկսվում էր գարնանային գիշերահավասարից: Դրուիդների հորոսկապը բաղկացած է 21 խորհրդանիշ ծառերից, եւ ծառերից յուրաքնչյուրը համապատասխանում է տարվա տվյալ հատվածին: Ձեր ուշադրությանն ենք ներկայացնում Դրուիդների 2014 թվականի հորոսկոպը:

Խնձորենի (դեկտեմբերի 22 – հունվարի 1; հունիսի 25 – հուլիսի 4)

Խնձորենին չափազանց սենտիմենտալ եւ զգացմունքային ծառ է: Սերը նրան հետաքրքրում է ինչպես թեորիապես, այնպես էլ, անշուշտ, գործնական տեսակետից: Հաճախ Խնձորենին որոշում է ամուսնանալ՝ չունենալով զուգընկերոջ հանդեպ մեծ զգացմունքներ: Միեւնույն ժամանակ Խնձորենին պատրաստ չէ ամբողջությամբ հրաժարվել սիրուց եւ զգացմունքներից: Գալիք 2014 թվականը Խնձորենու համար չափազանց բարենպաստ է լինելու: Աստղերի դիրքը չափազանց փայլուն կլինի ընտանեկան հարաբերությունների համար: Բարեհաջող կլուծվեն շինարարության, վերանորոգման եւ անշարժ գույքի ձեռք բերման հետ կապված հարցերը:

Եղեւնի (հունվարի 2 - 11; հուլիսի 5 -14)

Եղեւնին պահանջկոտ է: Նա ցանկանում է շատ բան ստանալ կյանքից, քանի որ գիտակցում է, որ շատ արժանիքներ ունի, եւ սովորաբար այդ իրեն հաջողվում է: Պատահում է նաեւ, երբ Եղեւնին ինքնամոռաց սիրահարվում է, եւ այդ ժանմանակ ողջ աշխարհը տակն ու վրա է լինում: Նրա սերը անսահման է: Նա բացառապես խելացի է, ունի վերլուծելու ունակություն, ձգտում դեպի գիտությունը, սակայն ոչ միշտ է, որ հաջողության է հասնում: Երբեմն Եղեւնին աշխատում է այն ոլորտներում, որոնք բացարձակապես ոչ մի կապ չունեն իր մսանագիտության եւ ունակությունների հետ: 2014 թվականին Եղեւնու կյանքում մեծ փոփոխություններ են սպասվում: Կյանքի սովորական շրջադարձը գալիք տարվա ընթացքում նրանց համար չէ, եւ նրանք կարող են իրենք փոփոխել իրենց ճակատագիրը: Տարին բարենպաստ կլինի ուսման կամ էլ որակավորումը բարձրացնելու համար:

Ծփի (հունվարի 12 -24; հուլիսի 15 – 25)

Ծփին սիրում է ղեկավարել եւ շատ ավելի քիչ՝ հնազանդվել: Նա չափազանց հմուտ է մարդկանց ղեկավարելու տեսակետից: Նրա պահանջները բարձր են, ինչպես եւ սերը, որը նա պարգեւում է: Համբերատա'ր եղեք նրա նկատմամբ.նա դրան արժանի է: Նա կարողանում է չափազանց նվիրված լինել: Խելամիտ է եւ հմուտ ձեռքեր ունի: Աչքի է ընկնում խելամտությամբ, հումորի զգացումով, եւ այդ իրենց հաճախ փրկում է հիասթափության պահերին: Ծփին չափազանց բարեհաջող տարի կունենա լուրջ ֆինանսական հարցերը լուծելու տեսակետից: Գալիք 2014 թվականի ընթացքում Ծփին կարող է առողջության հետ կապված խնդիրներ ունենալ: Այդ տարին չափազանց բարենպաստ է նոր աշխատանք գտնելու համար, թեեւ այն նաեւ նոր որակավորում կպահանջի:

Կիպարիս (հունվարի 25 – փետրվարի 3 ; հուլիսի 26 – օգոստոսի 4)

Կիպարիսը նշանակություն չի տալիս կյանքում ունեցած հաջողությանը, չի վազում փառքի, գումարի հետեւից: Միակ բանը, որի մասին նա երազում է, լինել երջանիկ: Նա խուսափում է այն ամենից, ինչը կարող է իրեն խնդիրների առջեւ կանգնեցնել: Սիրում է ամառային զբոսանք, կենդանիներին եւ որսը: Նրան կարելի է տեսնել ձկնորսությամբ զբաղվելիս: Եւ չնայած դրան նա ամենեւին էլ չի սիրում մենությունը: Կիպարիսը աշխատում է անել այնպես, որպեսզի նա մշտապես գտնվի ընտանիքի գրկում կամ ընկերների հետ: Նա սենտիմենտալ չէ: Ավելի հաճախ լինում է կոպիտ, սակայն մարդկային ջերմությամբ է օժտված, խիստ է, բայց եւ հանգիստ: Հաճելի է հասարակության համար: Նրա ներկայությունը միշտ հանգստացնող ազդեցություն է ունենում: Գալիք՝ 2014 թվականի ընթացքում բարձր կլինի զուգընկերների հետ տարաձայնությունների հավանականությունը, որոնք կարող են ստեղծել անկանխատեսելի հետեւանքներով անլուծելի խնդիրներ: Կիպարիսը պետք է աշխատի խուսափել դատական գործերի հետ առնչվելուց:

Բարդի (փետրվարի 4 – 8; օգոստոսի 5 – 13)

Նա նյութապաշտ չէ, մարդասեր է: Ընդ որում, չափազանց կազմակերպված անձնավորություն է եւ երբեք չի մոռանում ապագայի մասին: Ամուսնական կյանքում դժվարությամբ է երջանկություն վայելում, քանի որ չափազանց զգայուն է եւ անկախ: Ամուսնական վեճերում նրա լավագույն զենքը ժպիտով կամ կատակով համեմված արհամարհանքն է: Եթե նա չի կարողանում այլ կերպ վարվել, կարող է չափազանց բացասաբար վերաբերվել իր զուգընկերոջ նկատմամբ: 2014 թվականին Բարդու կյանքում կարող է իր մասին հիշեցնել հին մասնագիտական խնդիր: Բարդին չպետք է շտապի նոր բիզնես բացել: Հաջողակ լինելու համար նա պետք է շատ պատրաստվի եւ մանրամասնորեն մշակի իր ծրագրերը:

Մայրի (փետրվարի 9 – 18; օգոստոսի 14 – 23)

Մայրին սիրում է ցնցել, հանկարծակիի բերել, լինել ուշադրության կենտրոնում, եւ պատրաստ է ցանկացած զոհերին դրան հասնելու համար: Նա համարում է, որ հենց նա պետք է որոշումներ կայացնի եւ վերջին խոսքը ասի: Փայլուն կերպով լուծում է ցանկացած խնդիրներ: Չի վախենում վտանգից եւ աչքի է ընկնում բարդ իրավիճակներում հայտնվելու ունակությամբ: Բարեբախտաբար, նա բարետես է, սակայն այդ հանգեցնում է անզգույշ քայլերի ինչպես գործնական, այնպես էլ անձնական կյանքում: 2014 թվականին Մայրին պետք է խուսափի ռիսկային իրավիճակներից: Նրան խորհուրդ չի տրվում շփվել այն մարդկանց հետ, ում վարկի մասին իրեն ոչինչ հայտնի չէ: Փոխարենը անհրաժեշտ է ուշադրությունը կենտրոնացնել սեփական առողջության վրա:

Սոճի (փետրվարի 19 – 28; օգոստոսի 24 – սեպտեմբերի 2)

  Նա համարձակ է, անհաջողությունները դիմավորում է բարձր պահած գլխով եւ թույլ չի տալիս, որ այն տապալի իրեն: Իր համարձակության եւ ռիսկի դիմելու շնորհիվ Սոճին միշտ առաջ է շարժվում: Աշխատանքային հարցերում կարողանում է հաջողության հասնել անկախ ընտրած գործունեության տեսակից: 2014 թվականին մեծ հաջողություն է սպասվում պետական գործունեությամբ զբաղվող Սոճիներին՝ ուսուցիչներին, զինվորականներին, պետծառայողներին: Գալիք տարվա ընթացքում Սոճիները պետք է աշխատեն կապեր հաստատել հարուստ եւ ազդեցիկ մարդկանց հետ:

Ուռենի (մարտի 1 – 10; սեպտեմբերի 3 - 12)

Ուռենին չափազանց զգայուն է, սիրում է արեւի ջերմությունը, ջրի մոտ լինել: Նա արձագանքում է հոտին եւ համին: Ինչպես ուրիշ ոչ ոք կարողանում է օգտագործել րոպեական ուրախությունները եւ չի հրաժարվում դրանցից: Պետք չէ վստահել Ուռենու արտաքին համեստությանը: Դրան հակառակ նա գործնական է եւ համարձակ եւ լավ գիտի, թե ինչ է ուզում: Երբեք ոչինչ ոչ ոքի բռնի կերպով չի հրամցնում, քանի որ հարգալից է մարդանց նկատմամբ եւ չի ցանկանում ղեկավարել: Հնարավոր է, որ գալիք տարվա ընթացքում փոքր ինչ լարված մթնոլորտ ստեղծվի Ուռենու տանը: Նա շատ ավելի կասկածամտորեն եւ զայրույթով կարձագանքի հասարակ հարցերին: Միայնակ Ուռենիներին խորհուրդ է տրվում հաճախ գործնական ամփորդությունների մեկնել, քանի որ դրանք կարող են հանգեցնել ռոմանտիկ կրքի:

Լորենի (մարտի 11 – 20; սեպտեմբերի 13 – 23)

Լորենին աննկարագրելի հմայիչ է եւ կարողանում է օգտվել դրանից: Կարող է ցանկացածի մոտ գլխապտույտ առաջացնել: Լորենին երազում է կայուն, ապահովված, հարմարավետ կյանքի մասին, եւ երբեմն չի էլ գիտակցում, որ այդ ամենը իր համար ամենեւին էլ նշանակություն չունի: Նա հեշտությամբ հարմարվում է ցանկացած պայմաններին: Դրուիդների հորոսկոպի համաձայն, գալիք տարի հատկապես հաջողակ կլինեն ստեղծագործող Լորենիները՝ դիզայներները, նկարիչները, մոդելավորողները: Հստակ նպատակների եւ հեռանկարների բացակայությունը կարող են նրանց մոտ կասկածներ առաջացնել իրենց կողմից ընդունվող որոշումների վերաբերյալ:

Պնդուկենի (մարտի 22 – 31; սեպտեմբերի 24 – հոկտեմբերի 3)

Պնդուկենին բավարարվում է քչով, հարմարվում է ցանկացած պայմանների եւ ամեն ինչ հասկանում է: Նրա արտաքինը գրեթե մոգական ազդեցություն է ունենում: Եթե ցանկանում է, կարողանում է դուր գալ, ստիպել սիրել իրեն: Կարողանում է լինել բարի, իմաստուն, համբերատար, սակայն նաեւ պատահում է, որ Պնդուկենին վտանգավոր, չար եւ վնասակար է լինում: Նրա մեջ ամենը մոգություն է՝ սեւ կամ սպիտակ եւ կախված է նրա տրամադրությունից կամ քմահաճույքից: 2014 թվականին Պնդուկենուն սպասվում են սրընթաց եւ հետաքրքիր ռոմանտիկ հարաբերություններ, սակայն պատահական ծանոթությունները կարող են հետագայում զգալի խնդիրների հանգեցնել:

Արոսենի (Արջածառ) (ապրիլի 1 – 10; հոկտեմբերի 4 - 13)

Արոսենին արագ է ընտելանում միջավայրի փոփոխությանը: Նա սիրում է ուրախություն պատճառել մարդկանց, նույնիսկ ի վնաս իրեն: Եսասեր չէ, սակայն փոքր ինչ էգոցենտրիկ է: Անկախ է, սակայն երբեմն հայտնվում է կախյալ վիճակում: Պատասխանատվության զգացումը հաճախ նրան ստիպում է իրեն մեղավոր զգալ ցանկացած բացասական իրադարձությունների համար: Նա հետ կապեր հաստատելը չափազանց բարդ է: Նա զուրկ է պարզությունից: 2014 թվականին Արոսենին պետք է մտորի իր առօրյայի ճիշտ կազմակերպման մասին: Այդ տարին չափազանց բարենպաստ է սեփական միջավայրը փոփոխելու համար: Գալիք տարին նաեւ չափազանց բարենպաստ է սեփական բիզնեսի կազմակերպման համար:

Թխկի (ապրիլի 11 -20; հոկտեմբերի 14 - 23)

Նա չի սիրում տանը նստել եւ հաճույքով նոր մարդկանց հետ է ծանոթանում: Կարողանում ստիպել մարդկանց անկեղծանալ: Սակայն չարժե զգուշանալ նրանից գաղտնիքները կիսելուց հետո.նա երբեք չի դատապարտում կողքինների քայլերը եւ չի տարածում մարդկանց գաղտնիքները: Թխկին սովորաբար բազում ծրագրեր է ունենում, որոնք երբեմն չափազանց արտասովոր են: Սիրում է տարատեսակ նորույթներ, եռանդով պաշտպանում է նոր գաղափարները, սակայն ինքը հազվադեպ է ի կատար ածում սեփական ծրագրերը: 2014 թվականի հանգամանքները վերջապես թույլ կտան Թխկիներին անել այն, ինչը նախկինում անհնար էր համարվում: Աստղերը կբարեխոսեն այն Թխկիներին, ում գործունեությունը կապված է արտերկրի եւ արտերկրյա ընկերությունների հետ:

Ընկուզենի (ապրիլի 21 – 30; հոկտեմբերի 24 –նոյեմբերի 2)

Ընկուզենին առանց որեւէ բացատրությունների նվիրում է եւ զրկում սեփական ընկերությունից: Երբեմն նա սիրում է տառապել եւ հաճույքով ստիպում է տառապել կողքիններին: Նա անպայման պետք է բարդացնի իրավիճակը: Նա տանջվում է իր բացառիկությունը արտահայտելու պահանջարկից, խանդոտ է եւ սիրալիր, առանձնապես հավասարակշռված չէ: Նրա սիրեցյալները եւ ընկերները անընդհատ հանկարծակիի են գալիս: Գալիք տարին Ընկուզենուն անձնական կյանքում լուրջ փոփոխություններ են սպասվում: Ընդ որում, նրանք պետք է բացառապես հանդես գան որպես նախաձեռնող: Ի տարբերություն անձնակամ կյանքին աշխատանքում կայուն իրավիճակ է սպավում:

Հասմիկ (մայիսի 1 – 14; նոյեմբերի 3 - 11)

Նա զուրկ չէ պատասխանատվության զգացումից, սակայն միշտ չէ, որ երջանկություն է զգում այդ կապակցությամբ: Հասմիկի հետ ամուսնական կյանքը բավականին բարդ է, քանի որ նա հեշտությամբ հիասթափվում է եւ նախապարմունքներ է ձեռք բերում: Նա սիրում է երոխաներին եւ լավ է զգում իրեն նրանց հետ: Կյանքից շատ բան չսպասելով՝ նա մեծ հույսեր է կապում երեխաների հետ: Գալիք տարին Հասմիկը աննկարագրելի հաջողություն կունենա, եթե ռիսկի դիմի: Այդ հաջողությունը նրան սպասվում է ե'ւ բիզնեսում, ե'ւ հակառակ սեռի հետ հարաբերություններում: Գալիք 2014 թվականը կատարյալ ժամանակահատված է ամուսնանալու համար:

Շագանակենի (մայիսի 15 – 24; նոյեմբերի 12 - 21)

Շագանակենին չափազանց լռակյաց է փոխըմբռնման գալու համար եւ հաճախ ոչ պատասխանատու անձնավորության համբավ է ձեռք բերում: Հնարավոր է, որ այդ կապված է իր՝ մյուսներին ցնցելու հակման հետ: Նա շատ սեր է պահանջում, սակայն ինքը կարող է սիրել ընդամենը կյանքում մեկ անգամ, ահա թե ինչու նրա համար չափազանց բարդ է գտնել իր երջանկությունը: Սիրո պահանջը եւ եւ մերժված լինելու վախը բարդացնում են զուգընկերոջ հետ իր հարաբերությունները: Նրա բարդույթները արտահայտվում են արտառոց վարքի միջոցով եւ հաճախ անհասկանալի են շրջապատի համար: Շագանակենու համար գալիք տարին բարդ կլինի, հատկապես ֆինանսական տեսակետից: Նրանք պետք է յոթ անգամ չափեն գումարի հետ կապված որոշումներ ընդունելուց առաջ, քանի որ արկածախնդրությունը այդ հարցում հակացուցված է:

Հացենի (մայիսի 25 – հունիսի 3; նոյեմբերի 22 - դեկտեմբերի 1)

Հացենին ծիծաղում է կյանքի դժվարությունների երեսին, ինչով թեթեւամիտ եւ անկամ անձնավորության տպավորություն է թողնում: Սակայն այդպես միայն թվում է: Հացենին շատ լավ գիտի, թե ինչ է ուզում, եւ շատ ավելի լավ գիտի, թե ինչ չի ուզում: Եսասեր է ամեն ինչում, ինչը վերաբերվում է հաջողությանը եւ բարեկեցությանը: Սեփական երջանկությանը հասնելու ձգտման մեջ նա այնքան եռանդուն է, որ կարող է բնաջնջել այն ամենը, ինչը խոչընդոտում է իրեն: Նա եսասեր է, սակայն ժլատ չէ: Չափազանց առատաձեռն է եւ կիսվում է ամեն ինչով: Դրուիդների հորոսկոպը առանձնահատուկ դժվարություններ չի կանխատեսում Հացենու համար 2014 թվականին: Միակ բանը, որ պահանջվում է Հացենուց, քրտնաջան աշխատանքը եւ սեփական խնդիրների լուծումը կողքինների ուսերին չբարդելն է:

Բոխի (հունիսի 4 – 13; դեկտեմբերի 2 - 11)

Սիրո հարցում մեծ բարոյականությամբ է աչքի ընկնում: Զգացմունքը նրա համար մեծ պատասխանատվություն է: Նա հաճելի եւ դուրեկան զուգընկեր է: Սակայն եթե կյանքը նրան սիրո եւ պարտքի միջեւ ընտրություն առաջարկի, նա երկրորդը կընտրի: Բոխու բարյացկամությունը գալիք տարի նրանց թույլ կտա իրենց շուրջը հավաքել այն մարդկանց, ովքեր իրենց շրջապատը կկազմեն: Նրանք պետք չէ վախենան մյուս մարդկանց հետ խնդիրներից. Բոխին իրոք լավ անձնավորության համբավի կարիք չի զգա:

Թզենի (հունիսի 14 - 23; դեկտեմբերի 12 – 21)

Թզենին էմոցիոնալ է եւ ներողամիտ: Երբեմն նա դրա համար վճարում է իր հոգեկան հանգստով եւ կյանքի ուրախություններով, հատկապես որ միշտ դիմադրում է գայթակղություններին: Թեեւ փոփոխական է, սակայն աշխատում է հստակ կատարել իր ամենօրյա պարտականությունները: Նրան կարելի է վստահել: աշխատասեր է, թեեւ հոգու խորքում ծույլ է: Պոռթթկումներով անձնավորություն է եւ լի է բարի մտադրություններով, սակայն նրա կյանքը անցնում է սեփական թուլությունների հետ պայքարում: Գալիք տարին Թզենիների համար հուզմունքով լի է լինելու: Նրանց սպասվում է տան վերանորոգում, հարազատների ամուսնության արարողության կազմակերպչական աշխատանքներ, ճամփորդություններ, որոնք կարող են նյարդային նոպայի հանգեցնել: Թզենին չպետք է մոռանա մտածել նաեւ իր մասին:

Կաղնի (մարտի 20 – գարնանային գիշերահավասարի օրը)

Չափազանց խիզախ է, սակայն նրա համարձակությունը ծագում է ոչ միայն իր հոգեւոր որակներից, այլ նաեւ հպարտությունից: Չի ցանկանում, որպեսզի իրեն վախկոտ համարեն, եւ, սուր հանգամանքները կանխատեսելով, արձագանքում է շատ ավելի սուր, քան պահանջվում է: Կաղնին չափազանց կամային է, ընդունված որոշումից հետ չի կանգնում, եւ, որպես կանոն, միշտ հասնում է իր առջեւ դրված նպատակին: Սակայն նրա զիջելու ունակության բացակայությունը նաեւ բացասական կողմեր ունի.Կաղնին ճկուն լինել չի կարողանում, եւ նրա անհողդողդ բնավորությունը իրեն խնդիրներ է բերում: Նա կարող էր մեծ բարձունքների հասնել, եթե գոնե մի քիչ դիվանագետ լիներ: Գալիք տարի Կաղնու բոլոր հարցերը լուծվելու են «Ֆիգարոն այստեղ է, Ֆիգարոն այնտեղ է» սկզբունքով, սակայն նրանք չպետք է մոռանան, որ միեւնույն ժամանակ հարկավոր է սեփական հացը վաստակել: Տարվա վերջին Կաղնին կարող է բարձր պաշտոն ստանալ:

Կեչի (հունիսի 24 – ամառային գիշերահավասարի օրը)

Նրա համեստ բնավորությունը որոշում է հանգիստ սիրո հանդեպ իր հակումը: Կեչին սենտիմենտալ է եւ չի վախենում կրքոտ զգացմունքներից: Չափազանց հավատարիմ է, տանը կարողանում է հարմաավետության եւ ընտանեկան երջանկության մթնոլորտ ստեղծել: Ապատահում է, որ չմտածված է ամուսնանում, սակայն երբեք չի զղջում կատարած ընտրության համար: 2014 թվականին Կեչիները մեծ աշխատանքային հաջողություններ կունենան: Ամռան վերջին նրանք պետք է մոռանան ծուլության մասին եւ չհանգստանան: Շատ բան կախված է նրանց կազմակերպվածությունից:

Ձիթենի (սեպտեմբերի 22 – աշնանային գիշերահավասարի օրը)

Թեեւ Ձիթենին բարեսիրտ է, սակայն նա բավականաչափ խելամիտ է իր բարեսրտությունը օգտագործել թույլ չտալու համար: Նա աչքի է ընկնում արդարության վառ արտահայտված զգացումով: Ամեն ինչ հասկանում է եւ կարողանում է կողքինների վիճակի մեջ մտնել: Նրան բնորոշ անաչառությունը երբեմն ստիպում է նրան մոռանալ իր մասին: Նա գիտի այդ մասին եւ նախօրոք հարմարվում է այդ մտքին: Ահա թե ինչու նրան սիրում եւ գնահատում են, թեեւ նա ոչինչ չի անում կողքիններին տպավորելու համար: Շփման մեջ զուսպ է: 2014 թվականին Ձիթենիները ստիպված կլինեն ընտանիքի անդամների միջեւ ծագած խնդիրներում դատավորի դեր ստանձնել: Սակայն հաջողությունը կժպտա Ձիթենուն.նրանք կհանդիպեն իրենց երկրորդ կեսին:

Հաճարենի (դեկտեմբերի 21 – 22 – ձմեռային գիշերահավասարի օրը)

Հաճարենին բարոյական էակ է, շատ մարդկային որակներով է օժտված, միշտ ծանր ու թեթեւ է անում ցանկացած իրավիճակ եւ երբեք չի վստահում երջանիկ պատահարներին: Սիրո հարցում փոքր ինչ երեւակայությունից զուրկ է: Կատարյալ կին կամ ամուսին է: Ձգտում է երեխաներ ունենալ, կազմակերպել տան իր առօրյան, լավ անցկացնել հանգիստը: 2014 թվականին Հաճարենու գործերը այնպիսի հաջող ընթացք կստանան, որ նրանք կարող են իրենց ուզածն անել եւ ուղղությանը համընթաց լողալ: Արդյունքում, ամռան ավարտին նրանք գերհոգնածություն կզգան: