Մեծ Բրիտանիայի «GetAgen» անշարժ գույքի փորձագետների թիմը ներկայացրել է մի շարք, որը վերաիմաստավորում է աշխարհի ամենահայտնի շենքերից մի քանիսը տարբեր ճարտարապետական ոճերով: Midjourney արհեստական ինտելեկտի միջոցով ստեղծված տասնհինգ նկարների շարքը պատկերացում է տալիս, թե ինչպիսի տեսք կունենային այս գեղարվեստական կառույցները, եթե դրանք կառուցվեին այլ դարաշրջանում կամ նախագծվեին այլ ճարտարապետի կողմից:
Կառույցների շարքում, որոնք նոր կյանք են ստացել, ներառված են Սիդնեյի օպերային թատրոնը, որը վերակառուցվել է Թյուդորի ոճով եւ Պարթենոնը, որը վերակառուցվել է Բաուհաուսի ոգով: La Sagrada Familia-ն՝ Բարսելոնայի ամենահայտնի տեսարժան վայրերից մեկը, նույնպես ներկայացվել է ժամանակակից ոճով, որտեղ Թաջ Մահալը ստացել է գոթական երանգ:
Midjourney արհեստական ինտելեկտի գործիքի օգտագործումը, որն ի վիճակի է պատկերներ ստեղծել՝ հիմնված դիզայնի մի շարք պարամետրերի վրա, թույլ է տվել GetAgent-ին ստեղծել վերաիմաստավորվող խորհրդանշական ճարտարապետության այս հիբրիդային աշխատանքները: Թիմն ուսումնասիրում է այն հնարավորությունները, որոնք առաջանում են դիզայնի տարբեր ոճերի եւ մոտեցումների համադրման ժամանակ: Նորովի պատկերացնելով այս խորհրդանշական շենքերը՝ թիմը հույս ունի ավելի լայն զրույց ներշնչել մեր կառուցված միջավայրի ձեւավորման գործում ճարտարապետության դերի մասին եւ խրախուսել դիզայնի ավելի ստեղծագործ ու փորձարարական մոտեցումը: Արդյունքը մի շարք պատկերներ են, որոնք ստիպում են մտածել գերբնականի մասին՝ հայացք նետելով նրան, թե ինչ կարող էր լինել:
Թեեւ ոմանք կարող են պնդել, որ արհեստական ինտելեկտի օգնությամբ ստեղծված այս խորհրդանշական ճարտարապետությունը զուտ սպեկուլյատիվ է եւ իրական կիրառություն չունի, այնուամենայնիվ GetAgent նախագիծը համակարգչային օգնությամբ դիզայնի ներուժի ցուցադրումն է՝ ճշտելու ճարտարապետության մեջ հնարավորի սահմանները, մանավանդ, որ գործիքները, ինչպիսիք են Midjourney-ը, դառնում են ավելի բարդ եւ, ի վերջո, ավելի ֆոտոռեալիստական: Այս մեթոդը ճարտարապետներին եւ դիզայներներին առաջարկում է դիզայնի հայեցակարգերը վերանայելու նոր գործիք:
Սիդնեյի օպերային թատրոնը՝ Թյուդորի ոճով
Էյֆելյան աշտարակը՝ Ռոկոկո ոճով
Բիգ Բենը՝ արդյունաբերական ոճով
Էմփայր Սթեյթ Բիլդինգը՝ հունական վերածննդի ոճով
Բուրջ Խալիֆան՝ բարոկկո ոճով
Նոյշվանշտեյն ամրոցը՝ բրուտալիստական ոճով