Շարունակում ենք հետեւել հայտնիների գարնանային լուքերին։ Որքան խաբուսիկ է եղանակը, այնքան էլ տարբեր են կերպարները։ Բայց փաստ է, որ ցանկանացած եղանակի դեպքում ոճային մարդը կարողանում է գտնել տարբերվելու եզրեր։
Դերասանուհի Եվա Զոհրաբյանը հայկական շոուբիզնեսի ամենաոճային նրկայացուցիչներից է։ Եվայի մոտ ստացվում է ամենահասարակ ընտրությամբ անգամ տարբերվել։ Գաղտնիքը դետալների համադրության մեջ է։ Ինստագրամյան իր ամենաթարմ հրապարակման մեջ Եվան ցուցադրել է բավական թրենդային մի լուք՝ դասական պիջակի եւ ջինսե շրջազգեստի համադրությամբ։ Կերպարը շատ մոդայիկ է դարձել նարնջագույն գուլպաների ու սպորատային կոշիկների ընտրությամբ։
Ռուսաստանաբնակ երգչուհի Արծվիկը եւս ոճի զգացողության պակաս չունի։ «Եվրատեսիլ 2017»-ում Հայաստանի ներկայացուցիչը հերթական միջոցառման համար նախընտրել է մուգ կապույտ երանգի թրենչ, որը ներաձեւ ու հետաքրքիր են դարձնում փքված ուսերն ու հագուստն ամբողջացնող ոսկեգույն զարդանախշերը։ Արծվիկը լուքը համադրել է ոսկեգույն պայուսակով եւ սպիտակ բարձրակրունկներով։
Ռուսաստանից տեղափոխվենք ԱՄՆ, որտեղ, կարծես, բավական արեւոտ եղանակ է։ Դերասանուհի Մանո Գրիգորյանն իր արեւային օրն ավելի լուսավոր է դարձրել սպիտակի ու կանաչի գեղեցիկ համադրությամբ։ Իսկ գլխարն ու ակնոցն էլ ավելի են լրացրել նրա կերպարը։
Անատի Սաքանյանն էլ նախընտրել է մարմինը կիպ ընդգրկող հագուստով ցուցադրել իր կազմվածքը։ Դերասանուհին իր total black լուքը մեղմացրել է վարդագույն պայուսակի համադրությամբ։
Դերասանուհի Յուլիա Ֆինկը չի դավաճանել իր այցեքարտը դարձած դասական ոճին։ Դերասանուհին այս անգամ, կարելի է ասել, նախընտրել է կրեմագույնի 50 երանգները։ Կերպարին գույն է հաղորդել, համեմատաբար, ավելի մուգ երանգի պայուսակը։
Լուսանկարները՝ հայտնիների ինստագրամյան էջերից