«Հենց հիմա Ադրբեջանը փորձում է սովամահ անել Արցախի 120 հազար հայերին»․ Քրիս Բոջալյան
13:29 24 ապրիլի, 2023Ադրբեջանն այս պահին փորձում է սովամահ անել Արցախի 120.000 հայերին։ Էթնիկ զտումները շարունակվում են։ Այս մասին իր Twitter-յան էջում գրել է հայազգի հայտնի ամերիկացի գրող Քրիս Բոջալյանը։
108 years ago, the #ArmenianGenocide began. People who know nothing of the story still know the expression, “starving Armenians.” Well, Azerbaijan is right now trying to starve the 120,000 Armenians of #Artsakh. The ethnic cleansing continues. @ANCA_DC @ANCA_ER pic.twitter.com/EyQV6uEsD6
— Chris Bohjalian (@ChrisBohjalian) April 23, 2023
«108 տարի առաջ սկսվեց Հայոց ցեղասպանությունը։ Մարդիկ, ովքեր ոչինչ չգիտեն այս պատմության մասին, մինչեւ հիմա ծանոթ են «սոված հայեր» արտահայտությանը։ Ադրբեջանը հենց հիմա փորձում է սովի մատնել Արցախի 120.000 հայերին։ Էթնիկ զտումները շարունակվում են»,- նշել է նա։
Քրիս Բոջալյանը հայկական արմատներով ամենահայտնի ժամանակակից ամերիկացի գրողներից է։ Նա 18 վեպի հեղինակ է, որոնք վաճառվել են միլիոնավոր օրինակներով։ Բոջալյանի «Մանկաբարձուհիները» վեպի հիման վրա նկարահանվել է ֆիլմ։ Հայկական թեմայով Բոջալյանը գրել է «Ավազե ամրոցի աղջիկները» վեպը։