Կրկին մրցակցությու՞ն․ Մեգան Մարքլը փոխել է իմիջը եւ այժմ նրան համեմատում են Քեյթ Միդլթոնի հետ (ֆոտո)

Մեգան Մարքլը երկար ժամանակ անց առաջին անգամ հայտնվել է հանրության աչքի առջեւ։ Հանգստյան օրերին TED Talk-ում ցուցադրվել է Սասեքսի դքսուհու մասնակցությամբ տեսանյութ։ Նա ներկայացրել է իր մտերիմ ընկեր Միսան Հարիմանին, ով դասախոսություն էր կարդում։ Այնուամենայնիվ, ամբողջ ուշադրությունը սեւեռվել է նրա վրա, քանի որ ներկայացել է նոր իմիջով։

Մարքլը հանրությանը ներկայացել է անթերի ուղիղ շոկոլադագույն մազերով։ Եվ այդ պահից ի վեր սկսվել են քննարկումները։ Հասարակությունը բաժանվել է երկու ճամբարի. ոմանք ասել են, որ Հարրիի սիրելիի մազերի նոր գույնը սազում է, իսկ մյուսները սկսել եմ քննադատել նրան։ Համացանցի որոշ օգտատերերի կարծիքով՝ Մեգանը կրկնօրինակում է Քեյթ Միդլթոնին։ Իբր դքսուհին կրկնօրինակել է Ուիլյամի կնոջը, այլեւ աչքերի գույնը փոխելու համար օգտագործել է կոնտակտային լինզաներ։ Ավելին, նրան մեղադրողներ կան պլաստիկ վիրահատության մեջ։

«Պլաստիկ վիրաբուժության նախազգուշացու՞մ։ Ցավալի է, որ Մեգան Մարքլը շատ է ուզում լինել Քեյթ Միդլթոն», «Աստված իմ։ Մեգան Մարքլը, ով նախանձում է Ուելսի արքայադստերը, կրում է շագանակագույն կոնտակտային լինզաներ՝ նրան նմանվելու համար», «Նա կարծես փորձում է լինել Քեյթը։ Դա տեղի չի ունենա»,- գրել են նրանք համացանցում:

Այնուամենայնիվ, եղել են այնպիսիք, ովքեր պաշտպանել են Հարրիի սիրելին։ «Մեգանը պլաստիկ վիրահատության չի դիմել։ Ամեն ինչ լուսավորության եւ ռակուրսի մեջ է։ Իսկ մազերի ուղղումն այն է, ինչ անում են շատ աֆրոամերիկացի կանայք: Սա ոչ մի կապ չունի «ծագման հետքերը ջնջելու հետ», - նշել է մեկնաբաններից մեկը:

Լուսանկարները՝ Alastair Grant, Pool/TED Talk