Exclusive NEWS.am STYLE: Բորիս Գրեբենշչիկով . Եթե ապրես անցյալով կամ նայես ապագային, բաց կթողնես ներկան
00:49 30 ապրիլի, 2023Եթե ապրես անցյալով, կամ նայես ապագային, նշանակում է` բաց ես թողնում ներկան։ Եթե բաց ես թողնում ներկան, ուրեմն չես ապրում։ Այս մասին NEWS.am STYLE-ին տված բացառիկ հարցազրույցում ասում է ռուս երաժիշտ, բանաստեղծ, «Ակվարիում» խմբի ղեկավար Բորիս Գրեբենշչիկովը։ Լուսանկարիչ և հրապարակախոս Նատա Բրետելը իր տպավորություններ է ներկայացրել ռուսաստանցի լեգենդար երաժշտի հետ իր զրույցից։
Բորիս Բորիսովիչը հայտնվեց օձի դաջվածքով տաբատով և հայկական ասեղնագործ գլխարկով (ինչպես ասաց «հենց նոր էր գնել»)։ Մենք տեղավորվեցինք բեմից հեռու գտնվող բազկաթոռներում, որպեսզի սաունդ-չեքը չխանգարի, Բորիս Բորիսովիչը գնահատեց իմ «Ոզնին մշուշում»-ի ոճով շապիկը․․․ Բավական արագ զգացի, որ խոսել մի մարդու հետ, ով շատ վաղուց ըմբռնել է Դաոն, յուրահատուկ գործընթաց է․․․
- Դուք սիրո՞ւմ եք հարցազրույց տալ ,- հարցրեցի ես։
- Ոչ,- պատասխանեց Բորիս Բորիսովիչը,- Ինչի՞ համար են դրանք։
Եվ գիտեք, ես հասկանում եմ։ Ինձ համար բավական կլիներ պարզապես կողքին նստել, արևի տակ տաքանալ (ինչպես նա սիրում է) և լսել նրա երաժշտությունը կամ լռությունը ու հասկանալ այն, ինչ ուզում եմ հասկանալ զգացողությունների մակարդակում․․․ Այնպես որ նախապատրաստած հարցերը ես միանգամից մոռացա և զրուցեցի հոսանքին տրվելով։ Ինչ-որ պահի ասացի․ «Ինձ հարմարավետ է Ձեզ հետ, Բորիս Բորիսովիչ։ Եվ ես գնահատում եմ բարեհաճության այն զգացողությունը, որ զգում եմ Ձեզանից։ Ես նույնպես ուզում եմ ունենալ Ձեր անվրդով վիճակը»։
- Դա հեշտ է,- արձագանքում է Բորիս Բորիսովիչը։
- Կարծո՞ւմ եք։ Այդ դեպքում ինչու է աշխարհն այսքան նյարդային։ Մինչև համերգը շատ քիչ ժամանակ էր մնացել, մեկուկես ժամ, ոչ ավելի։ - Ես շատ եմ սպասում, որ ինձ վերջապես բեմ կթողնեն,- ասում է ԲԳ-ն։
Մանրամասները՝ մեր տեսանյութում։