Աֆիշա․ ո՞ւր գնալ այս շաբաթ

Մի քանի հետաքրքիր միջոցառում, որտեղ կարող եք այցելել այս շաբաթ․ չխախտելով երկուշաբթի օրվա ավանդույթները՝ NEWS.am STYLE-ը «փորփրել է» եւ գտել այն իրադարձությունները, որոնց արժե մասնակցել մոտակա օրերս։ 

Մայիսի 2. GLOBAL JAZZ TRIO-ն եւ Ariel Bringuez-ը հանդես կգան Ուլիխանյան ակումբում։ Համերգին կնվարգեն նաեւ Սամվել Գասպարյանը, Ռոդնի Բարետոն եւ Գաստոն Ջոյան։ Ջազային երեկոյի սկիզբը 20:30-ին է։ Տոմսերի արժեքը՝ 7000 դրամ։

Մայիսի 3. Կարեն Դեմիրճյանի անվան մարզահամերգային համալիրում կկայանա հույն հայտնի երգիչ Նիկոս Վերտիսի մենահամերգը։ Մինչ օրս Նիկոս Վերտիսը թողարկել է հինգ ստուդիական ալբոմ՝ մեկ ձայնասկավառակ սինգլով եւ երկու հատուկ շարք CD/DVD ալբոմներով։ Երգիչն իր հիթերը կներկայացնի 20:00-ից։ Տոմսերի արժեքը՝ 10 000-ից 50 000 դրամ։

Մայիսի 4. Բոհեմ թատրոնում կկայանա Սեդրակ Գոջամանյանի «Hotel Կալիֆորնիա» ներկայացումը, որի գլխավոր դերերում հանդես են գալիս Անդրանիկ Հարությունյանը, Լուիզա Ներսիսյանը, Զիրոյանը, Թամարա Պետրոսյանն ու Արեն Սաֆարյանը։ Ներկայացմանը սկիզբը՝ 19:00-ին, տոմսերի արժեքը՝ 3000-ից 6000 դրամ։

Մայիսի 5. Տանգո, որտեղ սկսվում է պատմությունը․ արգենտինական կրակոտ պարի սիրահարներին առաջարկում ենք այս օրն անցկացնել  Արամ Խաչատրյան համերգասրահում, որտեղ կտիրեն խելահեղ ռիթմեր։ Համերգի սկիզբը՝ 19։00-ին, տոմսերի արժեքը՝ 8000-24 000 դրամ:

Մայիսի 6. Illusion pub-ում Old School VS New School հիփ-հոփ երեկո է սպասվում։ Կազմակերպիչները խոստանում են անսպառ հիփ-հոփ ու «լիքը գժական մուդ»։ Երեկոյի սկիզբը՝ 21:00-ին, տոմսերի արժեքը՝ 2000 դրամ։ 

Մայիսի 7. Երեւանում կկայանա TODES պարային համույթի հոբելյանական համերգը: Այն տեղի կունենա մայիսի 7-ին, Ժամը՝ 19:00-ին։
Տոմսերի արժեքը՝ 8000-45.000դրամ: