Աֆիշա․ ո՞ւր գնալ այս շաբաթ

Երաժշտությա՞ն, թե՞ թատրոնի սիրահար եք։ NEWS.am STYLE-ն առանձնացրել է մի քանի իրադարձություն, որոնք կհետաքրքրեն տարբեր ճաշակի տեր մեր ընթերցողներին։ 

Մայիսի 8. Եթե չեք հասցրել դիտել Հրանտ Թոխատյանի եւ Սամվել Թոփալյանի մասնակցությամբ «Առաքել» ներկայացումը, ապա երկուշաբթին լավ առիթ է ստեղծում այդ բացը լրացնելու։ Այն կներկայացվի Կ․ Ստանիսլավսկու անվան դրամատիկական թատրոնում՝ ժամը 19:30-ին։ Տոմսերի արժեքը՝ 2000-7000 դրամ։ 

Մայիսի 9. OGAE Armenia-ն հրավիրում է Loft՝ միասին դիտելու «Եվրատեսիլ 2023»-ը։ Առաջին կիսաեզրափակիչը կայանալու է մայիսի 9-ին։ Loft այցելեք 22:00-ից, մուտքավճարը՝ 1500 դրամ է։ Երկրորդ կիսաեզրափակիչը մայիսի 11-ին է, սկիզբը՝ 22:00, մուտքավճարը՝ նույնը։ Իսկ եզրափակչին կարող եք հետեւել մայիսի 13-ին՝ 21:30-ից, մուտքավճարը՝ 2000 դրամ։ 

Մայիսի 10. Ռուսական Сплин խումբը ելույթ կունենա Կարեն Դեմիրճյանի անվան մարզահամերգային համալիրում։ Համերգը տեղի կունենա ժամը 20:00-ին, տոմսերի արժեքը՝ 8000-30 000 դրամ։ 

Մայիսի 11. Հինգշաբթի օրը՝ ժամը 19:30-ին, Արամ Խաչատրյան համերգասրահում տեղի կունենա Otros Aires արգենտինական խմբի համերգը։ Տոմսերի արժեքը՝ 10 000-25 000 դրամ։ 

Մայիսի 12. Գոյ թատրոնի բեմում ժամը 19:00-ին կլինի «Առռը հա՜ Շեքսպիր» ներկայացումը։ Բեմադրության հեղինակը ՀՀ վաստակավոր արտիստ Սամսոն Ստեփանյանն է։ Դերերում՝ Սամսոն Ստեփանյան, Սարգիս Չոլոյան, Վարե Երցյան, Էդգար Անդրեասյան, Գուրգեն Սարգսյան, Էլիզա Մանթաշյան, Հայկ Կլեկչյան, Կառլեն Կարապետյան։ Տոմսերի արժեքը՝ 2000 դրամ։  

Մայիսի 13. Կարեն Դեմիրճյանի անվան մարզահամերգային համալիրում մայիսի 13-ին, ժամը՝ 19:00-ին, կկայանա Արկադի Դումիկյանի մենահամերգը։ Տոմսերի արժեքը՝ 4000-35 000 դրամ (նստատեղով), 8000 դրամ (պարահրապարակ)։