Top 5. Հայկական շոուբիզնեսի ոճային երիտասարդները (ֆոտո)
17:05 18 մայիսի, 2023Ոճն այցեքարտ է, եւ որքան ինքնատիպ է մարդը, այնքան ավելի հեշտ հիշվող: Շոու բիզնեսի ցանկացա ներկայացուցիչ գիտի, թե որքան կարեւոր է հանդիսատեսի ու հեռուստադիտողի կողմից հիշվելը, ինչն էլ հաջողության հասնելու նախապայմաններից մեկն է:
Մենք հաճախ ոճն ու նորաձեւությունը ասոցացնում ենք միայն կանանց եւ աղջիկների հետ, սակայն ուրախալի է, որ տղամարդիկ եւս սկսել են հետեւել նորաձեւության միտումներին, ինչի շնորհիվ երեւանյան փողոցներում էլ պակասել է սեւի գերակշռությունն ու ավելացել հետաքրքրությունը երիտասարդների գեղեցիկ կերպարների հանդեպ:
Հայկական շոու-բիզնեսի երիտասարդներից շատերն են հեռուստադիտողների ու հանդիսատեսի մոտ ասոցացվում ոճի եւ ինքնատիպության հետ: NEWS.am STYLE-ը ներկայացնում է 5 հայտնի տղաների, ովքեր ավելի հաճախ են առանձնանում գույների եւ թրենդների ընտրությամբ:
Սարո Գեւորգյանը «Նոր Ալիք» մրցույթում գրավեց ոչ միայն իր գեղեցիկ ձայնով, այլեւ խարիզմատիկ կերպարով, ու հեշտությամբ նվաճեց հաղթողի տիտղոսը: Արտիստը ոճային է ինչպես երգերի, այնպես էլ՝ հագուստի ընտրության հարցում: Սարոն սիրում է գույներ, իսկ եթե անգամ սեւի մեջ է, ապա այդ գույնը հետաքրքրեցնում է դետալային ընտրությամբ ու աքսեսուարներով:
Երգիչ Parg-ին (Պարգեւ Վարդանյան) շատերը բացահայտեցին ֆրանսիացի երգչուհի Զազի երեւանյան համերգին, որը երգիչը, Ռոզա Լինի հետ միասին, բացեց իր կատարումներով: Յուրահատուկ տեմբր ու հետաքրքիր ոճ, ինչն, իհարկե, անտարբեր չթողեց հանդիսատեսին: Երգիչը հանդես է գալիս Project 12-ի կազմում:
Ռոբերտ Քոլոյանը, որն առավել հայտնի է Քոլոյան բեմական անվամբ, հատուկ էսթետիկ զգացողություն ունի, ինչը զգացվում է ոչ միայն նրա հեղինակած լուսանկարներում, այլեւ՝ երաժշտության ու հագուստի մեջ:
«Շանթ» հեռուստաընկերության «Հատուկ դասարան», «Իրար դեմ» սերիալների դերասան Հրանտ Հովսեփյանը գունային միքսերի հաճախ չի դիմում, բայց, նույնիսկ, միատոն սեւի մեջ կերպարին կարողանում է ոճ եւ հետաքրքրություն հաղորդել:
Գեւորգ Մկրտչյանի երգերը թեթեւ են ու հիշվող. թեթեւ ու վառ են նաեւ նրա կերպարները՝ կոստյումներից մինչեւ սպորտային ու առօրյա հագուստ:
Լուսանկարները՝ հայտնիների ինստագրանյան էջերից