Մարդիկ սկսել են շուրթերով համբուրվել 1000 տարի շուտ, քան նախկինում ենթադրվում էր
23:20 19 մայիսի, 2023Մարդիկ սկսել են շուրթերով համբուրվել 1000 տարի շուտ, քան նախկինում ենթադրվում էր: Օքսֆորդի համալսարանի եւ Կոպենհագենի համալսարանի հետազոտողները վերջերս վերլուծել են վաղ Միջագետքի հասարակությունների գրավոր աղբյուրները եւ եզրակացրել, որ մարդկության ամենավաղ գրանցված համբույրը տեղի է ունեցել 4500 տարի առաջ:
«Հին Միջագետքում վաղ մշակույթները, որոնք ապրում էին Եփրատ եւ Տիգրիս գետերի միջեւ, այժմյան Իրաքում ու Սիրիայում, սեպագիր գրել են կավե տախտակների վրա», - ասում է Կոպենհագենի համալսարանի դոկտոր Թրոյլս Պանկ Արբոլը: «Այս կավե տախտակներից շատերը պահպանվել են մինչ օրս, եւ դրանք հստակ օրինակներ են տալիս, որ հին ժամանակներում համբույրը համարվում էր ռոմանտիկ մտերմության մաս, ճիշտ այնպես, ինչպես համբույրը կարող էր լինել բարեկամության եւ ընտանեկան հարաբերությունների մաս»:
Հետազոտության համաձայն՝ շուրթերով համբուրվելը «սկսվել է Մերձավոր Արեւելքում 4500 տարի առաջ»՝ 1000 տարի շուտ, քան նախկինում ենթադրվում էր: Նախկինում հետազոտողները կարծում էին, որ համբույրը ծագել է Հարավային Ասիայում 3500 տարի առաջ:
Փորձագետները նախկինում կարծում էին, որ շրթունքների առաջին հպումը տեղի է ունեցել 3500 տարի առաջ Հարավային Ասիայի որոշակի հատվածում՝ կասկածելով, որ պրակտիկան ի վերջո տարածվել է նաեւ այլ տարածաշրջաններում:
«Համբույրը չպետք է դիտվի որպես սովորույթ, որը ծագել է բացառապես մեկ տարածաշրջանում եւ տարածվել այնտեղից, ավելի շուտ, այն կիրառվել է շատ հին մշակույթներում մի քանի հազարամյակների ընթացքում», - նշել է Արբոլը: