Գայթակղիչ եւ առեղծվածային․ Իվետա Մուկուչյանի ու Էվա Խաչատրյանի «սեւ ու սպիտակ» ֆոտոպատմությունները
22:20 24 մայիսի, 2023Երգչուհի Իվետա Մուկուչյանն ու դերասանուհի Էվա Խաչատրյանը նոր ֆոտոշարքեր են ներկայացրել՝ միմյանցից անկախ փայլելով սեւ ու սպիտակ գայթակղիչ կադրերով։
Իվետա Մուկուչյանը լուսանկարվել է Սաշա Ֆավորովի տեսախցիկի առաջ։ Հմայիչ երգչուհին կեցվածք է ընդունել սեւ բոդիով, որի ներքո կրել է սեւ զուգագուլպաներ եւ կերպարն ամբողջացրել ոճային բարձրակրունկներով։ Իվետան իր տեսքն ավելի կրակոտ է դարձրել արտահայտված դիմահարդարմամբ ու թաց սանրվածքով։
«Ոչ անցյալ, ոչ ապագա, պարզապես ես՝ այս կինը, հիմա»,-լուսանկարները մակագրել է երգչուհին։
Էվա Խաչատրյանը կեցվածք է ընդունել Մարատ Սարգիսովի տեսախցիկի առաջ՝ հավելելով, որ վերջինն իրեն հանդիպած ամենահետաքրքիր լուսանկարիչներից է։ Էվան նախընտրել է դասական սեւ կոստյումի եւ սպիտակ վերնաշապիկի տարբերակը, որի ներքո երեւում է սեւ ներքնազգեստը։ Էվան եւս նախապատվությունը տվել է թաց սանրվածքին ու վառ դիմահարդարմանը։
