Քլոե Քարդաշյանն իրեն մեղավոր է զգում նորածին որդու հետ կապված չլինելու համար
11:20 27 մայիսի, 2023Քլոե Քարդաշյանն իրեն մեղավոր է զգում նորածին որդու հետ կապված չզգալու համար եւ ցանկանում է, որ մարդիկ ավելի «ազնիվ» վերաբերվեն փոխնակ մայրության իրողություններին։
Նա այդ մասին բացահայտորեն խոսում է Քիմ Քարդաշյանի եւ Սքոթ Դիսիկի հետ զրույցում «Քարդաշյանները» շեուի 3-րդ եթերաշրջանի անդրանիկ թողարկման դրվագում։
Քլոեի որդին՝ Թաթումը, ծնվել է փոխնակ կնոջ կողմից՝ անցյալ տարվա հուլիսին։ Նա երկրորդ երեխան է, որը հայուհին կիսում է նախկին ընկերոջ՝ Տրիստան Թոմփսոնի հետ: Նրանք ունեն նաեւ հինգ տարեկան դուստր՝ Թրուն։
Քլոեն հիշում է, թե որքան «դժվար էր փոխնակ մայրության գործընթացը իր համար», իսկ Քիմը կրկնում է, որ իր քույրը «դժվարությամբ է ընդունել» այդ ամբողջը:
«Ես, իսկապես, կարծում եմ, որ տարբերություն կա, երբ երեխան գտնվում է ձեր որովայնում, քանի որ նա, իսկապես, զգում է ձեր սիրտը: Այս մոլորակի վրա ոչ ոք չկա, ով ձեզ ներսից այսպես կզգա»,-բացատրում է Քիմը, ով իր չորս հղիություններից երկուսի ժամանակ նույնպես դիմել է փոխնակ մայրության:
Սքոթը հարցնում է Քլոեին՝ արդյոք նա իրեն աբելի քի՞չ կապված է զգում երեխայի հետ․ Քլոեն դժկամությամբ է ընդունում դա, բայց նաեւ ասում է, որ դրա համար ժամանակ է պահանջվում: Նա կարծես թե մի փոքր նախանձում է այն փաստին, որ Քիմի համար «հեշտ» է եղել շփվել իր երկու կրտսեր երեխաների հետ, որոնք ծնվել են փոխնակ մոր միջոցով։
«Ես գլուխս թաղել էի ավազի մեջ այդ հղիության ընթացքում եւ չէի կարողանում մարսել կատարվածը»,-բացատրում է Քլոեն: Նա պնդում է, որ իր զգացմունքները «ոչ մի կապ չունեն երեխայի հետ», այլ ավելի շատ կապված են հանգամանքների հետ, եւ թե ինչպես է դա իրեն «գործարքային» թվում:
«Ես միանշանակ ցնցված էի ողջ փորձից: Ես ինձ շատ մեղավոր էի զգում, որ այս կինը հենց նոր էր ծննդաբերել իմ երեխային, իսկ ես երեխային վերցնում ու գնում եմ մեկ այլ սենյակ, եւ մենք, մի տեսակ, բաժանված ենք»:
Նրա խոսքով՝ ինքը կցանկանար ավելին իմանալ փոխնակ մայրության և դրա բարդությունների մասին՝ նախքան առաջ շարժվելը