Պաշուն պատմել է, թե արդյոք Black Star-ից Տիմատիի հեռանալը համարում է դավաճանություն
15:42 1 հունիսի, 2023Black Star-ի գործադիր տնօրեն Պավել Կուրյանովը (Պաշու) Լաուրա Ջուգելիային տված հարցազրույցում պատմել է, թե ինչպես է վերաբերում ռեփեր Թիմուր Յունուսովի (Տիմատի) լեյբլից հեռանալուն։
Կուրյանովը խոստովանել է, որ էմոցիոնալ առումով ռեփերի արարքը դավաճանություն է համարում։ Սակայն գործարարը փորձում է իրավիճակին ռացիոնալ նայել։ Նա հասկանում է, որ Տիմատին իր համար ճիշտ որոշում է կայացրել։ Պաշուն իր նախկին գործընկերոջն անվանել է «ուժեղ անհատ»։
Կուրյանովը նշել է, որ Տիմատիի հեռանալուց հետո նրա մոտ դատարկություն է եղել։ «Երկար տարիներ ենք միասին անցկացրել․․․ Երբ բաժանվեցին, մի տեսակ անորոշություն էր։ Նա գրել է այնպիսի բաներ, որոնք վիրավորել են անձամբ ինձ, քանի որ ես հաստատ այն չեմ, ում պետք է դա ուղղել։ Բայց ես ընդունում եմ, որ նա դա տեսել է իր աչքերով, եւ իմ գործողությունները նույնն են թվացել։ Հետեւաբար, ես ոչ մի դեպքում չեմ դատապարտել, չեմ դատապարտում»,- ասել է Black Star-ի գործադիր տնօրենը։
Կուրյանովը խոստովանել է, որ չի շփվել Տիմատիի հետ այն բանից հետո, երբ նա լքել է լեյբլը։ Գործարարը բացատրել է, որ իրենք վաղուց ընկերություն չեն անում։ Պաշուի խոսքով՝ իրենց միջեւ եղել է զուտ աշխատանքային հարաբերություն։
«Ես հիշում եմ, թե ինչպիսին էր նա (Տիմատին) որպես ընկեր, երբ մենք 16-18 տարեկան էինք: Լավ ժամանակներ էին: Անհոգ, կենսուրախ»,- բացատրել է Կուրյանովը։