Զեփյուռ Բրուտյանը խորհուրդներ է տվել, թե ինչպես հաղթահարել հետծննդյան դեպրեսիան
10:39 8 հունիսի, 2023Դերասանուհի Զեփյուռ Բրուտյանն իր Instagram-ում մայրերին խորհուրդ է տվել ինչ-որ հետաքրքիր բանով զբաղվել՝ հետծննդյան դեպրեսիայից իրենց միտքը հեռացնելու համար։
«Հաճախ տրվող հարց՝ ինչպե՞ս խուսափել հետծննդյան դեպրեսիայից: Չգիտեմ... Երեւի պետք է ազատ ժամանակ ինչ-որ բանով զբաղվես, որ ինքդ քեզ ուտելու ժամանակ չմնա։ Ամուսնու աջակցությունը շատ կարեւոր է: Դա անհրաժեշտ է»,- ասել է Բրուտյանը։
Նա կարծում է, որ առաջին հերթին կինը պետք է օգնի իր մարմնին ընտելանալ փոփոխություններին եւ թույլ տա, որ այն վերականգնվի ծննդաբերությունից հետո: Միաժամանակ Բրուտյանը կանանց հորդորել է չանհանգստանալ տրամադրության անկումից, ավելորդ քաշից կամ սթրեսից։ Դերասանուհին վստահեցրել է, որ նման բացասական գործոնները ժամանակավոր են լինելու։