Թուփաք Շակուրը պաշտոնապես աստղ է ստացել Հոլիվուդի Փառքի ծառուղում
10:24 8 հունիսի, 2023Թուփաք Շակուրը պաշտոնապես աստղ է ստացել Հոլիվուդի Փառքի ծառուղում։ Արարողությանը ներկա է եղել նրա քույրը՝ Սեկիվա «Սեթ» Շակուրը։
«Երբ մենք խոսում ենք գլոբալ ազդեցության մասին, մենք մտածում ենք Թուփաք Ամար Շաքուրի մասին», - արարողության ժամանակ ասել է գրող Ջամալ Ջոզեֆը: «Եվ այո, այդ տպավորիչ շրջանը, երբ աշխարհը գիտեր, թե ով է Թուփակը, տեւեց հինգ-վեց տարի: Բայց բոլոր նրանց համար, ովքեր ճանաչում էին Թուփաքին, նա աստղ է եղել դեռ փոքրուց»:
«Այսօր մենք միայն աստղին չենք հարգում մայթին. մենք հարգում ենք մի մարդու էությունը, ով անվախորեն հետեւեց իր երազանքներին ուև պայքարեց դրանք իրականություն դարձնելու համար», - հավելել է Սեթը: «Սա Թուփաքի պահն է․ տարիների նվիրվածության եւ կրքի գագաթնակետն է»:
«Նույնիսկ մինչ աշխարհը կիմանար նրա անունը, նա երազում էր աստղի մասին Հոլիվուդի լեգենդար Փառքի ծառուղում», - շարունակել է նա: «Եվ այսօր Թուփաքի աստղը ոչ միայն հարգանքի տուրք է մատուցում զվարճանքի արդյունաբերության մեջ նրա ներդրմանը, այլեւ խոսում է նրա երկարատեւ ազդեցության մասին, նույնիսկ 25 տարի անց: Ես շատ հպարտ եմ եղբորս համար, քանի որ հիմա տեսնում եմ, որ նրա աստղն ավելի պայծառ է փայլում»: