Ջեյ Լոն իր ձեռագիրն է տալիս ամառային մաքսի զգեստին
11:55 9 հունիսի, 2023Ամռանը պարզ, եթերային մաքսի զգեստը կամ կիսաշրջազգեստը պարտադիր են:
Այնպիսի աստղերն, ինչպիսիք են Ռիհաննան, Քեթի Հոլմսը եւ Ջենիֆեր Լոուրենսը, կիզիչ սեզոնին ընդառաջ արդեն նկատվել են մինչեւ հատակը հասնող փքուն զգեստներով: Դրանք թեթեւ են եւ եթերային, ոչ փայլուն եւ շատ պարզ։ Զարմանալի չէ, որ այսպիսի զգեստները հիթ են դարձել: Բայց Ջենիֆեր Լոպեսը արտաքին տեսքի մեջ բերում է իր սեփական շրջադարձը: Երգչուհուն նկատել են Լոս Անջելեսում գնումներ կատարելիս ամառային այս զգեստի ինքնատիպ տարբերակով։
Նա ընտրել է կապույտ մաքսի Valentino ջինսե զգեստ, որի դիմացի գրպաններին երեւում են ոսկե «V» լոգոտիպերը: Այն արժե 4700 դոլար։
Եթե մինչեւ հատակը հասնող ջինսե զգեստը ամառվա համար ծանր է թվում, մի վախեցեք. Լոպեսի զգեստն աչքի էր ընկնում առջևի, կողքերի եւ հետեւի հատվածներում ստրատեգիական ճեղքերով․ մարմինը ցուցադրելու համարձակ միջոց:
Աստղն ամբողջացրել է տեսքը սուր կոշիկներով եւ Gucci պայուսակով, բայց դուք կարող եք հեշտությամբ փոխարինել աքսեսուարները հարթ սանդալներով եւ մինի պայուսակով: Իհարկե, Լոպեսի ոչ մի տեսք ամբողջական չէ առանց մեծ չափսերի շքեղ ակնոցների: