Ամառային դիմահարդարման 5 թրենդ. փայլուն շուրթեր եւ barbiecore (ֆոտո)
20:15 27 հունիսի, 2023Նրանց համար, ովքեր չեն վախենում անգամ +25 աստիճան շոգից, մենք հավաքել ենք այս ամառվա դիմահարդարման միտումները․․․
Փայլուն շուրթեր
Մինչ «փայլուն» մաշկն աստիճանաբար փոխարինվում է անփայլով, TikTok-ում #lipoil («շուրթերի յուղ») հեշթեգն արդեն ավելի քան 1,6 միլիարդ դիտում ունի: Աղջիկներն ամենատարբեր եղանակներ են փնտրում իրենց շուրթերին կատարյալ փայլուն, հայելային տեսք հաղորդելու համար: Եվ ոչ թե փայլն է օգնության գալիս, այլ յուղը (օրինակ, շատերի կողմից սիրելի Clarins-ը):
Barbiecore
Մարգո Ռոբիի մասնակցությամբ «Բարբի» ֆիլմն այս ամառվա ամենասպասված պրեմիերան է։ Ուստի արդեն վեց ամիս է, ինչ վարդագույնը մեզ ուղեկցում է դիմահարդարման, մատնահարդարման եւ հագուստի մեջ։ Դիմահարդարման մեջ հեշտ է համապատասխանել «Barbiecore»-ի էսթետիկային. կոպերին, շուրթերին եւ այտերին ավելացրեք նուրբ պաստելային երանգներ, եւ վերջ:
Mermaidcore
Ջրահարսի ոճի թրենդը համակցված է «Barbiecore»-ի էսթետիկայի հետ։ Բայց եթե երկրորդը կենտրոնանում է վարդագույն երանգների վրա եւ ստեղծում է անբասիր (ինչպես Բարբի տիկնիկի) կերպար, ապա mermaidcore-ը վերաբերում է «խոնավ» վարսահարդարմանը, փայլուն շեշտադրումներին եւ «ծովային» գույների երանգներին (կապույտ, մանուշակագույն, փիրուզագույն):
Նկատելի կարմրություն
«Դիմահարդարման մեջ երբեք չի կարող շատ կարմրություն լինել»,- սա է մեր նոր ամառային կարգախոսը։Այն կարելի է ավելացնել ոչ միայն այտերին, այլ նաեւ կոպերին, ճակատին, կզակին եւ քթի առջեւի հատվածում։ Օրինակ, Պատրիկ Տան իր աշխատանքներում երբեք չի ափսոսում կարմրության համար եւ կենտրոնանում է դրա վրա. նայեք գոնե Ջիջի Հադիդին, որի դիմահարդարումը թարմ եւ վառ տեսք ունի։
Գրանժ
Գրանջ ամռա՞նը։ Այո՛։ Բայց խիտ անփայլ տեքստուրաների փոխարեն նախապատվությունը տվեք կիսաթափանցիկին, թեթեւին և ծխագույնին։ Թող շուրթերը լինեն սեւ, բայց փայլուն, իսկ ստվերաներկերը՝ պայծառ, բայց փափուկ։