Երեկ՝ հուլիսի 2-ին, Yerevan Fashion Week-ի շրջանակում կայացել է դիզայներ Ֆաինա Հարությունյանի ցուցադրությունը։ Այդ օրը նաեւ ներկայացվել է Nemra խմբի Look at Birds տեսահոլովակը՝ նվիրված դիզայների Alternative Collection արշավին։
Տեսահոլովակը սեւ ու սպիտակ լուծումներով է․ խմբի անդամների կատարմանը զուգահեռ՝ ներկայացվում է նաեւ Ֆաինայի հավաքածուն։ Ռեժիսորը Արթուր Մանուկյանն է, օպերատերը՝ Արտյոմ Աբովյանը։ Երգի երաժշտության եւ խոսքերի հեղինակը Nemra-ի վոկալիստ եւ կիթառահար Վան Եղիազարյանն է։
Հիշեցնենք, որ խումբը պատրաստվում է իր հերթական մենահամերգին, որը կկայանա հուլիսի 7-ին՝ Տիկնիկային թատրոնում։