Նիգերիացի բլոգեր Shady Shae-ն վերադարձել է Երեւան եւ բացահայտում է Հայաստանը (ֆոտո)
17:05 11 հուլիսի, 2023Նիգերիացի բլոգեր Shady Shae-ն, որը բնակվում է Լոնդոնում եւ համացանցում հայտնի է տարբեր տեսահոլովակների մասին իր արձագանքներով, վերադարձել է Երեւան․ այս անգամ՝ երկար ժամանակով։
Посмотреть эту публикацию в Instagram
Շաբաթներ առաջ իր առաջին այցելության ժամանակ (բլոգերն այստեղ էր մեկ շաբաթով) Շեդին տեսել էր նաեւ Երեւանը, զբոսնել Կասկադում, Հյուսիսային պողոտայում, այցելել Ծիծեռնակաբերդ, հասցրել էր զրուցել նաեւ NEWS.am STYLE-ի հետ, սակայն Հայաստանը բացահայտելու հնարավորություն չէր ունեցել։
Բլոգերն օրեր առաջ վերադարձել է՝ այդ բացը լրացնելու, եւ Instagram-ում կիսվում է իր տպավորություններով։ Շեդին արդեն եղել է Զվարթնոց տաճարում, Գեղարդի վանքում եւ Սաղմոսավանքում։ «Այցելեք Հայաստան»,-հետեւորդներին խորհուրդ է տվել Շեդին,-«Պարզ, գեղեցիկ երկինք, զբոսնում եմ արեւի ներքո տաճարի շուրջ»,-կիսվել է նա։
Посмотреть эту публикацию в Instagram
Նիգերիացի բլոգեր, երաժիշտ եւ պարող Շեդի Ուիլյամսը, որն առավել հայտնի է Shady Shae անվամբ, հայ հանրության շրջանում հատկապես ճանաչվեց հայկական երգերի մասին նկարահանած իր արձագանքներով: Ամեն ինչ սկսվեց նրանից, երբ յութուբերին օգտատերերից մեկն ուղարկեց Բրյունետի Future Lover երգն ու առաջարկեց անդրադառնալ նաեւ այդ տեսահոլովակին: Այդպես էլ Շեդին սկսեց ուսումնասիրել հայկական երաժշտությունը, սիրահարվեց նաեւ Հայաստանին:
Посмотреть эту публикацию в Instagram
Посмотреть эту публикацию в Instagram