Հանրահայտ դիջեյ Մարտին Գարիքսի երեւանյան համերգը, որը պետք է կայանար հուլիսի 28-ին՝ «Հրազդան» մարզադաշտում, հետաձգվել է։ Այս մասին հայտարարել են ՀԱՅԱ փառատոնի կազմակերպիչները։
Посмотреть эту публикацию в Instagram
«Սիրելի՛ բարեկամներ, տեղեկացնում ենք ձեզ, որ Մարտին Գարիքսի համերգը Երեւանում հետաձգվում է: Համերգի նոր օրը կհայտարարվի լրացուցիչ: Պատճառած անհարմարության համար բոլոր տոմս ձեռք բերած անձանց տրամադրվում են հավելյալ արտոնություններ, որոնց ցանկը ուղարկվում է գնման ժամանակ նշված էլ. հասցեին»,-գրված է փառատոնի ինստագրամյան էջում։
Հիշեցնենք, որ ՀԱՅԱ-ի շրջանակում այս տարի արդեն տեղի է ունեցել մեկ այլ հայտնի արտիստի՝ խորվաթ թավջութակահար HAUSER-ի համերգը։ Այն կայացել է հունիսի 17-ին՝ Կարեն Դեմիրճյանի անվան մարզահամերգային համալիրում։