Իսպանական կապույտ Cabrales պանիրը գերազանցել է երբեւէ ամենաթանկ պանրի ռեկորդը
22:22 30 օգոստոսի, 2023Իսպանական կապույտ պանիր Cabrales-ը գերազանցել է երբեւէ ամենաթանկ պանրի ռեկորդը: Այն վաճառվել է ավելի քան 32,000 դոլարով տեղական պանրի փառատոնում:
«Մենք գիտեինք, որ լավ պանիր ունենք, բայց նաեւ գիտեինք, որ հաղթելը շատ դժվար է», - իսպանական Efe լրատվական գործակալությանն ասել է Գիլերմո Պենդասը, ով աներեւակայելի թանկ խորտիկ է պատրաստում Լոս Պուերտոսում գտնվող ընտանեկան գործարանում։
Իսպանիայի հյուսիսում գտնվող Աստուրիաս լեռնային քարանձավներում հասունացող կիսապինդ պանիրը, որը կշռում է 2 կգ-ից մի փոքր ավելի, վաճառվել է 30,000 եվրոյով (32,408,10 դոլար)՝ սահմանելով Գինեսի նոր ռեկորդ:
Այն գնել է Իվան Սուարեսը՝ Օվիեդոյի մերձակայքում գտնվող El Llagar de Colloto ռեստորանի սեփականատերը, ով ասել է, որ իր «կիրքը երկրի հանդեպ» եւ «պանրագործների աշխատանքն» իրեն ոգեշնչել են թանկացնել գինը: Նա նաեւ գնել է Գինեսի ռեկորդների գրքի նախորդ պանիրը՝ մեկ այլ Cabrales պանիր, որը վաճառվել է 2019 թվականին 20500 եվրոյով։