Yerevan Music Night միջոցառումը չեղարկվել է
10:05 2 սեպտեմբերի, 2023Հաշվի առնելով սեպտեմբերի 1-ի առավոտյան Հայաստանի սահմանին տեղի ունեցած դեպքերը եւ շարունակվող լարված իրավիճակը՝ KAMI Music Club-ը եւ Eventtoura / Էվենտտուրա-ն որոշում են կայացրել չեղարկել Yerevan Music Night ամենամյա միջոցառումը։ Այս մասին հայտնում են կազմակերպիչները: Այս տարի միջոցառման հատուկ հյուրը պետք է լիներ ուկրաինացի երգչուհի Մարուվը:
«Վստահ ենք, որ մոտ ժամանակներս կկայանա Մարուվի համերգը, ինչի մասին հայտարարություն կտեղադրվի մեր հարթակներում։
Մեր խորին ցավակցությունն ենք հայտնում զոհվածների ընտանիքներին եւ հարազատներին»,-գրված է հայտարարության մեջ:
Հավելենք, որ միջոցառումը նախատեսված էր ժամը 17:00-ին՝ Շառլ Ազնավուրի անվան հրապարակում: