Ինչպիսի դիմահարդարումը թրենդային կլինի աշնանը. խորհուրդներ՝ Քենդալ Ջենների եւ Հեյլի Բիբերի դիմահարդարից

Քենդալ Ջենների եւ Հեյլի Բիբերի դիմահարդար Մերի Ֆիլիպսը կարողանում է դիմահարդարման ավանդական տեխնիկան վերածել ժամանակակիցի, եւ այն հարմարավետ դարձնել նոր սերնդի դիմահարդարման միտումների համար: Նրա հնարքները վիրուսային են դառնում սոցիալական ցանցերում, գրում է Vogue-ը։

«Instagram-ի հայտ գալու հետ, դիմահարդարումը, որպես կանոն, շատ ծանր էր՝ քառակուսի, սրածայր հոնքերով եւ դիմափոշու առատ օգտագործմամբ։ Ես նկատել եմ, որ TikTok-ի շնորհիվ երիտասարդ սերունդները վերադառնում են մաքուր, ավելի պայծառ դիմահարդարմանը: Ստվերագծման օգնությամբ շատ հեշտ է ստանալ այդ տեսքը, բայց պետք է օգտագործել ավելի բարակ շերտեր եւ պահպանել փայլը: Արդյունքում շատ ավելի քիչ ապրանքներ եք օգտագործում եւ շատ ավելի բնական տեսք ունենում»:

Եթե հետեւք այս տեխնիկային, պետք է նախքան տոնայինը քսեք կոնտուր, կարմրաներկ, որպեսզի ավելի թեթեւ եւ պայծառ տեսք ստացվի։ Ֆիլիպսը ձգտում է կիսվել դիմահարդարման տեխնիկայի առավելություններով, որոնք գործում են ցանկացած տարիքում: Նրա երեք կետանոց քողարկիչի հնարքը նման հուշումներից մեկն է։ Պետք է ծածկույթը դնեք աչքի ներքին ու արտաքին անկյուններին եւ քթանցքների մոտ: Երեք գույները տարածելով ու միախառնելով փոքրիկ փափկամազ խոզանակի միջոցով՝ դուք ստեղծում եք լուսային եռանկյունի, որը նուրբ փայլ է հաղորդում դեմքին՝ միաժամանակ ծածկելով աչքերի տակի մուգ շրջանակները:

«Այս երեք կետերում քողարկիչ դնելը բոլորին հարմար է, անկախ նրանից, թե քանի տարեկան ես»,- պնդում է նա։ «Քողարկիչի օգտագործումը որպես հայլայթեր ձեր դեմքը ձեւավորելու ու ընդգծելու հիանալի միջոց է, ինչի արդյունքում ավելի քիչ կոնտուրի կարիք կունենաք: Այն բնական ձեւով բարձրացնում եւ ձեւավորում է դեմքը»: Թեեւ ցանկացած քողարկիչով կարող եք դա անել, Ֆիլիպսը L'Oreal Paris-ի Infallible 24hr More Than Concealer-ի երկրպագու է. «Այն շատ չորացնող չէ, կպչուն չէ, բայց շատ յուղալի»,- ավելացնում է նա:

Փայլուն մաշկը, անկասկած, Ֆիլիպսի մասնագիտությունն է, բայց նա ոգեւորված է ցանկացած հնարքով, որը դեմքին երիտասարդական թարմություն է հաղորդում: Թեեւ փայլուն մաշկը նրա տարերքն է, 2023 թվականի աշնանը Ֆիլիպսը դեմքի թարմությունը կհամադրի ավելի մուգ երանգների կարմրաներկերի եւ մուգ շագանակագույն, մանուշակագույն շրթներկի հետ: Նա երկու խորհուրդ ունի անթերի արդյունքի համար: «Նախքան շուրթերի ուրվագիծն անելը, համոզվեք, որ մատիտն, իսկապես, սուր է, իսկ որպեսզի գիծը շատ մաքուր եւ հստակ լինի, այն քսեք փոքր վրձնի եւ քողարկիչի օգնությամբ»: