Ռալֆ Լորենի վերադարձը Նյու Յորքի նորաձեւության պոդիում

17:16   10 սեպտեմբերի, 2023

Ռալֆ Լորենի 2024 թվականի գարուն/ամառ ցուցադրությունը Նյու Յորքի Նորաձեւության շաբաթվա ամենասպասված ցուցադրություններից մեկն էր։ 83-ամյա դիզայներն ամերիկյան նորաձեւության ոչ պաշտոնական կայսրն է, սակայն 2019 թվականի սեպտեմբերից նա չի հայտնվել Նյու Յորքի նորաձեւության պաշտոնական օրացույցում։

Լորենի վերադարձը տեղի ունեցավ Բրուքլինի ռազմական նավատորմի բակում գտնվող պահեստում, որը վերածվել էր գեղջուկ դիզայներական ձեղնահարկի՝ փայլուն ջահերով, կտավից պատրաստված շղարշով ու փայտի հյուսվածքներով:

Фотоколлаж (70).jpg (61 KB)

«Իմ 2024 թվականի կանացի գարնանային հավաքածուն ռոմանտիկայի նոր տեսակ է` զիլ ու բարդ», - ասել է Լորենը: Հավաքածուն պաշտպանում է անհատական ​​ոճը դասականների միջոցով, այլ ոչ թե հետեւում է ժամանակի թրենդներին. գեղարվեստական ​​խունացած ջինսերը նախորդում էին գեղանկարչական ծաղկային պրինտերին, մինչդեռ սեւ ու ոսկեգույն շքեղ զգեստները շքեղ փայլ էին հաղորդում:

Фотоколлаж (71).jpg (61 KB)

Բարձրաճաշակ ցերեկային հագուստն անխափան կերպով վերածվեց փարթամ երեկոյան հագուստի, իսկ տարբեր համադրություններն առանցքային նշանակություն ունեցան շատ անսամբլների համար. առանձնահատուկ պոլոներ շղարշե կիսաշրջազգեստների վրա, լայն տաբատներ՝ RL-լոգոյի բեյսբոլի գլխարկներով:

Фотоколлаж (72).jpg (56 KB)

Լորենի խոսքով՝ հավաքածուն արտացոլում է «Իմ ստեղծած կնոջ պատմությունը, ում անհատականությունն ու գեղարվեստական ​​ոգին կտավն են սեփական ինքնարտահայտման համար»։ Եզրափակիչ կերպարը՝ փայլփլուն ոսկե զգեստը թիկնոցով, խելամտորեն արտահայտում էր այդ վստահ զգացումը:



© NEWS.am STYLE