Puppets & Puppets-ը ցուցադրում է Նյու Յորքի կանացիության երկակիությունը
13:30 16 սեպտեմբերի, 2023Puppets & Puppets-ի՝ 2024 թվականի գարուն/ամառ հավաքածուն ցուցադրում է նյույորքյան կանացիության երկակիությունը՝ մարմնավորելով համարձակությունը, որն անհրաժեշտ է մետրոյով երթեւեկելու եւ Մեծ խնձորի փողոցներով քայլելու համար։
Ստեղծագործական տնօրեն Կարլի Մարկը ստեղծել է մի հավաքածու, որը որքան հուզիչ է, նույնքան էլ՝ գեղեցիկ: Թեեւ Մարկի անձնական փորձը կարող է ինդիվիդուալ լինել, այն, անշուշտ, հետաքրքրել է շատերին, քանի որ միջոցառմանը ներկա էին այնպիսի հայտնի մարդկիկ, ինչպիսիք են Ջուլիա Ֆոքսը, Մոզես Սամնին և Ռիչի Շազամը:
Puppets & Puppets-ի հավաքածուն բացահայտում է, թե ինչ է նշանակում լինել կին քաղաքում, ինչն արտացոլվում է համարձակ նախշերի եւ դրամատիկ ուրվանկարների միջոցով:
Նորարարական կտրվածքները դասական ոճերը ցուցադրում են այլ տեսանկյունից՝ ակնարկելով այն վերածննդի մասին, որ կրողը զգում է զգեստապահարանը փոխելու ժամանակ:
Համազգեստի իրերը նորից հայտնագործվում եւ թարմացվում են, ընդ որում խակի գույնի տաբատները դառնում են ավելի մեծ չափսերի՝ ձեռք բերելով համապատասխան մեծ գրպաններ:
Իրենց արժանի տեղը գրավում են ընդարձակ տրապիզե տաբատները․ կիսաթափանցիկ կոմբինեզոնը, որը զարդարված է սարսափելի լուսանկարների կոլաժով, գրավում է աչքը եւ հակադրվում էլեգանտ զգեստին՝ լրացված վառ դեղին ծաղիկներով:
Մարկը ծաղրում է կարգավիճակով պայմանավորված խորհրդանիշները՝ ձեռքի պայուսակների փոխարեն հասած բանաններ ցուցադրելով:
