Հին Հոլիվուդի սեւ-սպիտակ երազանքը՝ Հարիս Ռիդի հավաքածուում
16:02 18 սեպտեմբերի, 2023«Այս հավաքածուն ինձ համար սկսվեց Հին Հոլիվուդի սեւ-սպիտակ երազանքը կյանքի կոչելու գաղափարով»,- Harper's Bazaar-ի հետ զրույցում պատմել է Հարիս Ռիդը՝ խոսելով իր հավաքածուի մասին, որը ներկայացվել է Լոնդոնի Նորաձեւության շաբաթվա ընթացքում:
Հավաքածուն, որը վերնագրված էր «Դուետ», երկակիության ուսումնասիրությունն ու փառաբանումն էր ՝ կապված առնականության եւ կանացիության հասկացությունների հետ: Ռիդը ստեղծել է նուրբ, չափազանցված սիլուետներ եւ քանդակագործական աշխատանքներ։
Այս հավաքածուի նպատակն էր հարգանքի տուրք մատուցել «դյութիչ եւ չափազանցված կանացիությանը»՝ զարգացնելով մի գաղափար, որը միշտ գոյություն է ունեցել Ռիդի հավաքածուներում:
Նա այս երկակիությունը բացատրում է նրանով, որ կորսետը, օրինակ, իր ձեւով, նեղ համամասնություններով համարվում է կանացի, որոնք ընդգծում են կոնքերը, բայց քանի որ դրանք շատ կոշտ են, խիստ եւ սահմանափակող, դրանցում շատ առնականություն կա:
«Հեռվից այն կարծես կանացիության ծայրահեղ տարբերակ է, բայց եթե ուշադիր նայեք, այն իրականում կոշտ է եւ առնական. դրա աղբյուրը Saville Row բաճկոնի ժապավենն է»:
Հավաքածուն գրեթե ամբողջությամբ սեւ-սպիտակ է, բացառությամբ շամպայնի ոսկու երանգի:
