«Սանկցիաներ կիրառել Ադրբեջանի դեմ»․ ամերիկացի ստենդափեր Չելսի Հարթն աջակցել է Արցախին՝ ցուցադրելով ադրբեջանական հանցագործությունները
12:14 2 հոկտեմբերի, 2023Ամերիկացի ստենդափեր Չելսի Հարթն իր աջակցությունն է հայտնել հայերին։ Հումորիստն իր՝ 266 հազար հետեւորդ ունեցող ինստագրամյան էջում պատմում է Ադրբեջանի կողմից արցախահայության էթնիկ զտման մասին։ «Սա տեղի է ունենում, բայց դուք այս մասին չեք իմանա մեդիայից»,-Instagram-ում հրապարակած նոր տեսանյութին կից գրել է Հարթը։
Посмотреть эту публикацию в Instagram
«Ադրբեջանը ցեղասպանություն է իրականացնում էթնիկ հայերի հանդեպ։ Նրանց զինվորները սպանում են խաղաղ բնակիչներին, ահաբեկում ծերերին։ Հազարավոր հայեր մնացել են անտուն, հարյուրավոր զոհեր կան։ Ադրբեջանցի զինվորները կադրեր են հրապարակում, թե ինչպես են ռմբակոծում նրանց տները, անգամ ցուցադրում, թե ինչպես են մասնատում հայերի մարմինները եւ ոչնչացնում նրանց մշակութային վայրերը, այն դեպքում, երբ «խոստանում են ամբողջական ինտեգրում»։ Արցախի հայտնի գործիչներ են ձերբակալվել։ Ադրբեջանցի զինվորները շարունակում են սոցիալական մեդիայում ցուցադրել իրենց հանցագործությունները։ Արցախ ուժեղ մնա։ Սանկցիաներ կիրառել Ադրբեջանի դեմ»,-այս տողերով են ուղեկցվում հոլովակի կադրերը, որոնք ցուցադրում են այն ամենը, ինչի մասին գրել է ստենդափ արտիստը։
Посмотреть эту публикацию в Instagram
Հավելենք, որ սա Չելսիի կողմից Հայաստանին ուղղված առաջին աջակցությունը չէ։
«Արցախի հայաշատ շրջանը Խորհրդային Միության փլուզումից անմիջապես հետո հայտարարեց անկախության իր մտադրության մասին։ Այն 31 տարի գործել է որպես ինքնակառավարվող, դեմոկրատական, ինքնավար մարզ, մինչդեռ Ադրբեջանը հասել է ազատության ինդեքսին, որը նման է Հյուսիսային Կորեայի ռեժիմներին: Ալիեւը սպանում է սեփական լրագրողներին, ի՞նչ եք կարծում, նա ի՞նչ է անում հայերի հետ։ Սա էթնիկ զտում է»,-ավելի վաղ գրել էր նա։