Ամերիկահայ պրոդյուսեր եւ դերասանուհի Դիանա Մեդիսոնն անդրադառնալով ադրբեջանական ռմբակոծություններից հետո ՄԱԿ-ի՝ իրավիճակին ծանոթանալու նպատակով Արցախ սպասվող այցին՝ իր ինստագրամյան էջի Story բաժնում գրել է․
«Մի փոքր ուշ է Հայաստան ձեր այցը, որպեսզի տեղեկանաք իրավիճակի մասին։ Այս ամենը, պարզապես, ապացուցում է, թե որքան կոռումպացված են այս կազմակերպությունները։ Նրանք դեռ պետք է համոզվեն՝ արդյոք այնտեղ կա՞ մարդկային աղետ։ Սիրելի ՄԱԿ, 8 եւ 10 տարեկան երեխաներ իրենց սեփական տանը գլխատվել են ադրբեջանցիների կողմից։ Սա ձեզ համար նմա՞ն է մարդկային աղետի»։
Մեկ այլ հրապարակման մեջ դերասանուհին ցուցադրել է դատարկված Արցախն ու նշել-«Մեր պատմական տունն ամայացել է։ Հետաքրքիր է՝ արդյոք ՄԱԿ-ը սա կհամարի՞ «մարդկային աղետ»»։