Քեւին Սփեյսիին շտապ տեղափոխել են հիվանդանոց՝ սրտի կաթվածի կասկածանքով, երբ նրա ձեռքը թմրել է Տաշքենդի միջազգային կինոփառատոնին մասնակցելու ժամանակ, հայտնում է The Sun-ը։
Կայքի փոխանցմամբ՝ 64-ամյա օսկարակիր դերասանը ՄՌՏ հետազոտության է ենթարկվել։
Նա իրեն վատ է զգացել «Աֆրասիաբ» թանգարան այցելության ժամանակ, երբ «ձախ ձեռքն ամբողջությամբ թմրել է մոտ ութ վայրկյան»:
House of Cards-ի աստղ Սփեյսին տեղափոխվել է քաղաքի Innova ախտորոշիչ կլինիկա՝ անցնելու մի շարք հետազոտություններ, այդ թվում՝ ՄՌՏ սկանավորում: Մտավախություն կար, որ դերասանի մոտ կարող էր սրտի կաթված լինել, սակայն բժիշկներն ավելի ուշ նշել են, որ նրա մոտ սրտի հետ կապված խնդիրներ չկան:
«Սուպերմենը վերադառնում է» ֆիլմի աստղն, այնուհետեւ, բեմից հայտնել է, որ «իր հետ ամեն ինչ նորմալ է»։ Սփեյսին հավելել է՝ «Սա ինձ ստիպեց մի պահ մտածել այն մասին, թե որքան փխրուն է բոլորիս կյանքը»:
Լուսանկարը՝ Wiktor Szymanowicz/Andalou agency via Getty Images