Արիանա Գրանդեն եւ Դալթոն Գոմեսը ավարտել են իրենց ամուսնալուծության գործընթացը

Արիանա Գրանդեն եւ Դալթոն Գոմեսը ամուսնալուծության հայց էին ներկայացրել անցած ամիս, եւ ընդամենը մի քանի շաբաթ անց նրանց ամուսնությունն ավարտվել է, գրում է Elle-ը։ Ըստ TMZ-ի՝ զույգը նախքան ամուսնանալը պայմանավորվածություն է ունեցել, որ բաժանման դեպքում փոխհատուցում չեն պահանջելու միմյանցից։ 

Page Six-ի տվյալներով, «Արիանան եւ Դալթոնը, իսկապես, ցանկանում էին մինյանց հետ պահել ավելորդ քաշքշուքից՝ ահա, թե ինչու նրանք ամեն ինչի մասին մտածել էին»: Աղբյուրը հավելել է՝ «Նրանք միմյանց չափազանց շատ են հարգում»։

Ե՛վ Գրանդեն, ե՛ւ Գոմեսը շարունակում են առաջ գնալ․ ինչպես նշվում է՝վերջինն արդեն հարաբերությունների մեջ է, իսկ Գրանդեն, ասում են, հանդիպում է Wicked-ի իր գործընկեր Իթան Սլեյթերի հետ:

Իրենց փաստաթղթերում Գրանդեն եւ Գոմեսը իրենց բաժանումը նշել են 2023 թվականի փետրվարի 20-ին: Այնուամենայնիվ, նրանց ամուսնական խնդիրները, ըստ աղբյուրների, սկսվել էին շատ ավելի վաղ:

Զույգն ամուսնացել էր 2021-ին։