Մանե Գրիգորյանը կիսվել է «հերթական ծանր հարվածից հետո» ճգնաժամը հաղթահարելու իր մեթոդներով։ Հաղորդավարուհին ինստագրամյան իր էջում գրել է․
«Ես լսում եմ հոգեբանների, դիտում եմ մոտիվացնող ելույթներ, դիտում եմ սերիալներ ու ֆիլմեր (իրականությունից կտրվելու համար)։ Թատրոնը, նույնպես, ինձ շատ է օգնում, եւ ամենեւին ամոթ չէ ու պետք չէ մեղավոր զգալ թատրոն կամ համերգներ գնալիս։ Մշակույթը ամենահզոր գործիքներից է վերականգնվելու համար։ Օգնենք իրար՝ անցնելու այս ճգնաժամը նույնպես»։
Օրեր առաջ Երգի պետական թատրոնի տնօրենը Instagram-ում կիսվել էր Արցախ կատարած իր «վերջին ամենածանր, բայց եւ ամենաերջանիկ» այցի տեսանյութով։
Посмотреть эту публикацию в Instagram
Հավելենք, որ հաղորդավարուհու եղբայրը՝ Դավիթ Բագիրյանը, Արցախում տեղի ունեցած պայթյունի ժամանակ անհետ կորել է։
«Ժողովուրդ ջան, շնորհակալ եմ ձեր ուշադրության եւ սրտացավության համար, բայց Դավիթից որեւէ լուր չունենք։ Դեռ Սպասում ենք․․․»,-ավելի վաղ գրել էր Մանեն։