Հայ գործարար, «Reddit» կայքի հիմնադիր Ալեքսիս Օհանյանը X հավելվածի իր էջում կիսվել է ամերիկահայ լուսանկարչուհի Սքաութ Թուֆանքջյանի հրապարակմամբ։ Թուֆանքջյանը լուսանկար է տեղադրել Արալեզի դպրոցներից մեկից, որում պատկերված են 1915 թ-ի Հայոց ցեղասպանության փրկվածների տների բանալիները։
«Այս դպրոցը հիմա հյուրընկալում է Արցախից բռնի տեղահանված երեխաների, որոնք ստիպված էին լքել իրենց տունը 2023 թ-ին»,-գրել է Թուֆանքջյանը։
Անդրադառնալով հրապարակմանը՝ Օհանյանն իր էջում հավելել է․
«Մենք տոկուն ժողովուրդ ենք, բայց ինչո՞ւ պետք է ստիպված լինենք այդքան տոկուն լինել ավելի, քան 100 տարի: Այն նույն մարդիկ, ովքեր դեռեւս ժխտում են մեր ցեղասպանությունը (որն իրենք են իրականացրել), գլոբալ տերությունների կողմից ազատ իշխանություն են ստացել՝ կազմակերպելու մի արտաքսում, որը մենք մտավախություն ունենք, որ առաջիկա ամիսներին կհանգեցնի հայկական հողի ավելի մեծ նվաճման: Թուրքիան եւ Ադրբեջանը հստակ նպատակ ունեն, որը Հայսաստանի նվաճումն է»:
Keys hang from a tapestry at a school in Aralez, Armenia, representing the keys of homes left behind by the survivors of the Armenian Genocide of 1915
— Scout Tufankjian (@stufankjian) October 17, 2023
This school is now welcoming in children from Artsakh who have been forced to flee their homes in 2023. pic.twitter.com/ZSxZFffIJ2
Լուսանկարը՝ Noam Galai/Getty Images for TechCrunch