Բուրջ Խալիֆայի փառքի օրերը հաշվված են. Էր Ռիադը նախատեսում է կառուցել աշխարհի ամենաբարձր աշտարակը
13:48 24 հոկտեմբերի, 2023Խորհրդանշական Բուրջ Խալիֆայի փառքի օրերը հաշվված են, քանի որ Էր Ռիադը նախատեսում է կառուցել աշխարհի ամենաբարձր աշտարակը` Rise Tower-ը:
MEED-ի տվյալներով՝ շենքի բարձրությունը կկազմի ավելի քան 2000 մետր՝ գերազանցելով Դուբայի Բուրջ Խալիֆային, որի բարձրությունը 828 մետր է։ TimeoutRiyadh-ի գնահատմամբ՝ նախագծի կառուցումը կարժենա մոտ 5 միլիարդ դոլար, եւ այն կդառնա Saudi Arabia Holding Co-ի North Pole նախագծի մի մասը:
Սաուդյան Արաբիայում North Pole նախագիծը դիտարկվում է որպես «ապագայի քաղաք»: Այն կձգվի ավելի քան 306 քառակուսի կիլոմետր՝ Էր Ռիադի հյուսիսում։ Rise Tower-ը նկարագրվում է որպես բարակ, խնամված դիզայն, որը, կարծես, «դիպչում է երկնքին»: Աշտարակը շրջապատված կլինի հեծանվային ուղիներով, արահետներով, հետիոտների համար հարմար փողոցներով եւ մի քանի այգիներով: Բացի այդ, այն կունենա բնապահպանական հավաստագրեր եւ կսնուցվի արեւային էներգիայից, ինչպես նաեւ՝ վերականգնվող աղբյուրներից:
Rise Tower-ը բազմաթիվ նախագծերից մեկն է, որը կփոխի Էր Ռիադի ճակատագիրն ու դեմքը: Էր Ռիադի թագավոր Սալմանի անվան պուրակից եւ Արքայադուստր Սարայի անվան գիտության եւ տեխնոլոգիաների կենտրոնից մինչև Քիդդիյա ջրաշխարհը եւ 400 մետր խորանարդանոց Մուկաբ երկնաքերը՝ ոչինչ չի խանգարի թագաժառանգ արքայազն Մուհամմեդ բեն Սալմանին հասնել իր նպատակներին: