• «Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)

  Շվեդիայի Մալմյո քաղաքում այսօր կայացել են «Եվրատեսիլ 2024»-ի մրցութային փորձերը…

• «Եվրատեսիլ 2024»-ում Հայաստանի ներկայացուցիչներն արդեն Մալմյոյում են

  «Եվրատեսիլ 2024»-ի՝ Հայաստանի պատվիրակությունն արդեն Մալմյոյում է։ Այսօր սպասվում է Հայաստանը ներկայացնող «Լադանիվա»-ի ելույթի առաջին բեմական փորձը...

• Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)

  NEWS.am STYLE-ի հետ զրույցում Թամլինն ավելի մանրամասն պատմեց իր տպավորությունների, Հայաստանի գինիների ու գինեգործների մասին...

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

Հայաստանը 2024 թվականին մասնակցելու է Եվրոպական հեռարձակողների միության կողմից կազմակերպվող «Պատանի երաժիշտների Եվրատեսիլ»-ին։ Այս առթիվ Առաջին ալիքը նախորդ տարվա ավարտին հայտարարեց դասական երաժիշտ-կատարողների մրցույթ՝ Հայաստանի մասնակցին ընտրելու համար: Հայտերն ընդունվելու են մինչեւ հունվարի 25-ը։ Մինչ այդ, NEWS.am STYLE-ը մրցույթի մանրամասների ու հայաստանյան մասնակցի ընտրության ընթացակարգի շուրջ զրուցել է մրցույթում Հայաստանի պատվիրակության ղեկավար Անուշիկ Տեր-Ղուկասյանի հետ։

«Պատանի երաժիշտների Եվրատեսիլ»-ը նոր հարթակ չէ Հայաստանի համար։ Մեր երկիրն առաջին անգամ մրցույթին մասնակցել է 2012 թ-ին՝ քանոնահար Նարեկ Կազազյանի գլխավորությամբ, որը Հայաստանին բերել է երրորդ պատվավոր հորիզոնականը։ 

Անուշիկը շեշտում է՝ «Այս մրցույթում երաժշտական գործիքի ընտրության հարցում սահմանափակումներ չկան, եւ դրանում էլ կայանում է մրցույթի՝ թե առանձնահատկությունը, թե դժվարությունը, բայց ելնելով նախորդ տարիների փորձից՝ կարող եմ ասել, որ ժյուրին նախապատվությունը տալիս է դասական գործիքին»։

Եվրոպական հեռարձակողների միության այս մրցույթն անցկացվում է երկու տարվա կտրվածքով։ Հայաստանի պատվիրակության ղեկավարի խոսքով՝ դրան մասնակցելը վաղուց էին քննարկում, քանի որ կարծում են՝ այն կարեւոր հարթակ է դասական երաժշտության տարածման համար։

«Մեր թիմի հետ միասին մոտ 2-3 տարի քննարկում էինք մրցույթին մասնակցելը, բայց կային որոշ բարդություններ, քանի որ սա երրորդ «Եվրատեսիլ»-ն է, որին մասնակցում ենք, եւ այս մրցույթի աշխատանքները զուգահեռ տարվում են մեծերի «Եվրատեսիլ»-ի աշխատանքների հետ։ Բացի այդ՝ այն երկու տարին մեկ է կազմակեպվում, իսկ վերջին տարիներին, եթե չեմ սխալվում, ոչ միշտ է անցկացվել: Երբ այս տարի տեղեկացանք, որ մրցույթը հաստատ կայանալու է, մեր որոշումը միանշանակ էր, եւ մենք այն ներկայացրինք Եվրոպայի հեռարձակողների միությանը։ Շատ ուրախ եմ, որ մի շարք բանակցությունների արդյունքում մեր հայտը հաստատվեց: Նշեմ նաեւ, որ Առաջին ալիքը համարվում է մրցույթի համապրոդյուսեր, այսինքն՝ բոլոր մասնակից երկրները մասնակցում են մրցույթի կազնակերպչական աշխատանքներին»: 

Անուշիկն ասում է՝ մրցույթին մասնակցելու մյուս նպատակներից մեկը Հայաստանի ողջ տարածքում դասական երաժշտության կարեւորության ընդգծումն ու պատանի երաժիշտներին լսելի դարձնելն է: «Կան շատ տաղանդավոր պատանիներ, ովքեր, գուցե, հարմար հարթակ չունեն ներկայանալու, իսկ այս մրցույթը, կարծում եմ, լավագույն տարբերակն է այդ առումով»,- ասում է նա։

Մրցույթին կարող են մասնակցել այն պատանիները, որոնք 2024 թ. օգոստոսի 17-ի դրությամբ կլինեն նվազագույնը 12, առավելագույնը՝ 21 տարեկան:

Լսումներին կարող են դիմել միայն մենակատարները՝ ուղարկելով իրենց իսկ ընտրությամբ՝ 1 ստեղծագործության կենդանի կատարման վիդեո տարբերակը:

Առաջին փուլը հաղթահարած դիմորդները կհրավիրվեն լսումների 2-րդ փուլին։ Այստեղ պրոֆեսիոնալ ժյուրին կառանձնացնի լավագույն մասնակիցներին, որոնք էլ կիսաեզրափակիչ եւ եզրափակիչ փուլերի ընթացքում հանդես կգան Առաջին ալիքի եթերում: Հաղթող մասնակիցը կներկայացնի Հայաստանը «Պատանի երաժիշտների Եվրատեսիլ 2024»-ին։

«Մի քանի փուլից բաղկացած մրցույթ ենք անցկացնում։ Լսումների փուլին այցելելու ենք բոլոր մարզեր, որպեսզի այնտեղ ապրող դասական երաժիշտները եւս ներգրավված լինեն այս մրցույթում։ Հեռուստադիտողն այդ ողջ ընթացքին կարող է հետեւել օրագրերի տեսքով։ Մրցույթում ներգրավված են լինելու դասական երաժշտության ոլորտի մի շարք մասնագետներ, ովքեր մեզ կօգնեն ընտրել լավագույն մասնակցին։ Երբ հաղթողն ընտրվի, ըստ նրա ունակությունների եւ երաժշտական գործիքի, մեր մասնագետները կընտրեն նրան համապատասխանող ստեղծագործությունը, որով էլ նա կներկայանա մրցույթին։ Ի տարբերությունուն Եվրատեսիլի մեզ արդեն ծանոթ ձեւաչափերի՝ այս մրցույթում ներկայացնում են հայտնի ստեղծագործություններ»,- մանրամասնեց այս մրցույթում Հայաստանի պատվիրակության ղեկավար Անուշիկ Տեր-Ղուկասյանը:

Մեր ներկայացուցչի անունը պարզ կդառնա ապրիլին, իսկ մրցույթը տեղի է ունենալու օգոստոսի 17-ին՝ Նորվեգիայում։ Այս տարի մասնակցելու է 12 երկիր։ Համաձայն մրցույթի կանոնների՝ հաղոթողն ընտրվելու է միայն ժյուրիի քվեարկությամբ։ Հայաստանի պատվիրակության ղեկավարի խոսքով՝ մինչ մրցութային բեմում հայտնվելը՝ Հայաստանի մասնակցին մեծ պրոմո-արշավ է սպասվում։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում