Թեեւ փոփ մշակույթը եւ ընկերները, գուցե, ձեզ ասել են, թե «կայծը» պահպանելը կարեւոր է երկարաժամկետ ռոմանտիկ հարաբերություններ պահպանելու համար, փորձագետ Էմիլի Նագոսկին ասում է, որ նմանատիպ մտածելակերպը սխալ է, գրում է Axios-ը։
Նագոսկին՝ կանանց սեքսուալության եւ հույզերի մասին գրքերի ամենավաճառվող հեղինակը, թողարկել է «Միավորվենք»/Come Together աշխատությունը, որը հիմնված է երկարաժամկետ ամուսնությունների եւ զույգերի հարաբերությունների ուսումնասիրության վրա: Նա գիրքը գրել է ամուսնու հետ սեռական հարաբարությունների դադարի շրջանում, որը ծանոթ է շատ զույգերի: Մեր սթրեսային կյանքում նորմալ է սեքսից ընդմիջումներ վերցնելը: Երկարատեւ սեռական հարաբերություններ ունեցող զույգերի վերաբերյալ հետազոտությունները եւ տվյալները ցույց են տալիս, որ հաջողությունը մեծապես կապված է ընկերության եւ հաճույքի առաջնահերթության հետ (ոչ թե ինքնաբուխ ցանկության):
Սեքսուալ առասպելները քանդելու որոշ խորհուրդներ Նագոսկուց․
Մի մտածեք «կայծի» եւ անընդհատ «տրամադրություն» ունենալու մասին, ասում է նա։ Դրա վրա չափազանց շատ կենտրոնանալը կարող է իրականում ձեզ ավելի փակ դարձնել մտերմության համար:
Մի վախեցեք զուգընկերոջ հետ սեքսի մասին խոսելուց։ Սա չի նշանակում, որ ինչ-որ բան այն չէ:
«Երկարատեւ սեռական հարաբերությունների մեջ գտնվող զույգերը անընդհատ խոսում են սեքսի մասին՝ ինչպես կխոսեք ցանկացած հոբբիի մասին։ Հենց դրա շնորհիվ են հարաբերությունները լավանում»,-ասում է նա:
Եվ նկատի ունեցեք, որ «դադարի» շրջանը դիսֆունկցիայի նշան չէ, կամ այն բանի, թե ձեր հարաբերություններում սերը պակասել է, վստահեցնում է փորձագետը, բայց, նրա խոսքով, դա կարող է նշան լինել, որ պետք է հասկանալ, թե ձեր կյանքում տեղի ունեցած կոնկրետ ինչն է դառնում սեռական «արգելակման» պատճառ։
Բաց եղեք մտերմության պլանավորման համար․
«Սխալ է այն պատկերացումը, որ սեքսի պլանավորելը նշանակում է, թե դուք այդքան էլ չեք ցանկանում դա»,-ասում է Նագոսկին,-«Մեր կյանքը դժվար է։ Իմ օրացույցը հագեցած է։ Եթե ես այնտեղ չներառեի սեքսը, դա տեղի չէր ունենա, քանի որ դրա համար անհրաժեշտ է գիտակցաբար պաշտպանել տարածությունը, ժամանակը եւ էներգիան»,-ասում է նա:
Դադարեք մտածել այն մասին, թե ինչ են անում մյուսները․
Նագոսկին հրաժարվում է պատասխանել հարցին, թե քանի անգամ են զույգերը միջինում զբաղվում սեքսով, որովհետեւ «հնարավոր չէ թիվ լսես եւ հետո ինքդ քեզ չդատես դրանով»: «Կարեւոր է գիտակցել՝ արդյոք վայելո՞ւմ ես այն սեքսը, որն ունենում ես»: Հաճախականության վրա կենտրոնանալու փոխարեն ավելի լավ է կենտրոնանալ նրա վրա, թե երբ է այն հաճելի ձեզ եւ ձեր զուգընկերոջ համար:
Այսպիսով, երկարաժամկետ սեռական հարաբերություններում կարեւոր է, որ դուք վստահեք միմյանց, որոշեք, որ սեքսը կարեւոր է, եւ առաջնորդվեք ձեր հարաբերությունների կարիքներով:
Հետևեք NEWS.am STYLE-ին Facebook-ում, Twitter-ում և Instagram-ում
09:00, 15 մայիսի
ՄԱՅԻՍԻ 15-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:11, 14 մայիսի
Աշխարհի ամենաթանկ շրթներկների հնգյակը22:34, 14 մայիսի
Ինչո՞ւ են հասուն կանայք նախընտրում ավելի երիտասարդ տղամարդկանց21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը19:35, 14 մայիսի
«Սարսափելի գիշեր էր». Բրենդոն Լիի մահից 30 տարի անց16:13, 14 մայիսի
«Դաունթոնի աբբայության» հիման վրա երրորդ ֆիլմը կնկարահանվի15:23, 14 մայիսի
Նաոմի Քեմփբելը «նրբագեղության մարմնացում է» դասական փոքրիկ սեւ զգեստով14:37, 14 մայիսի
Ջորջ Քլունին իր դեբյուտը կկատարի Բրոդվեյում14:04, 14 մայիսի
Սերժ Թանկյանը ցանկանում էր հեռանալ System of a Down-ից13:16, 14 մայիսի
Քեյթ Մոսը սիրավե՞պ ունի Բոբ Մարլիի թոռան հետ12:35, 14 մայիսի
Շերը շլացուցիչ սեւ բոդիով է ներկայացել «Բոբ Մաքի. մերկ պատրանք» ֆիլմի պրեմիերային