• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

Ի՞նչն է բնորոշում ոճային մարդուն՝ լինի դա տղամարդ, թե կին: ARTEZIANICA.Armenia-ի համասեփականատեր եւ զարգացման տնօրեն Օլգա Պարախինայի կարծիքով՝ դա ուղեղն է։ NEWS.am STYLE-ի «Ոճային մարդիկ» նախագծի շրջանակում Օլգայի հետ զրուցել եմ ոճի, հիմնական զգեստապահարանի, Հայաստանում բիզնեսի բարդությունների, սպիտակ վերնաշապիկների հանդեպ սիրո եւ ատելության մասին։

Ինքը՝ Օլգան, նախընտրում է smart-casual ոճը եւ լինելով բիզնես-լեդի եւ ներդրող՝ «խելացի ներդրումների» կողմնակից է, այդ թվում՝ իր զգեստապահարանում։ Նրբագեղ մինիմալիզմ՝ համակցված հարմարավետության եւ որակի հետ, մի փոքր ֆրանսիական շրջադարձ կարմիր շրթներկի տեսքով, որը Օլգան կրում է թեթեւ, ուղղակիորեն եւ տեղին՝ ոճի պարզ բարդության համադրություն է, որն արտացոլում է կրողի բնավորությունն ու անհատականությունը:

Բազային իրեր. տաբատով կոստյումներ, սպիտակ շապիկներ եւ կեդեր, սպիտակ սպորտային կոշիկներ, անսովոր արեւային ակնոցներ, կարմիր շրթներկ։

Նախընտրելի ապրանքանիշեր. Ինձ համար ապրանքի արժեքը եւ ապրանքանիշը առաջնահերթություն չեն: Կարեւոր է, որ այն ինձ դուր գա եւ սազի։ Օրինակ, Brunello Cucinelli-ի կոստյումները թանկ են, բայց այս գինը նորմալ է իդեալական որակի բոլոր «բաղադրիչների» համար։ Միեւնույն ժամանակ, ես սիրում եմ Zara-ն, եւ այժմ կան շատ լավ երիտասարդ ռուսական բրենդներ, որոնք, նույնպես, հաճույքով կրում եմ: Ինչ վերաբերում է կոշիկներին, ապա հիմա նախապատվությունը տալիս եմ Alexander McQueen սպորտային կոշիկներին:

Ամենագերագնահատված ապրանքանիշը․ Louis Vuitton-ն է։ 

Ինչի վրա երբեք չի խնայի․ առողջություն, կրթություն եւ տպավորություններ: Առողջ ու խնամված, հետաքրքրասեր ու կրեատիվ լինելը նորաձեւ է եւ ոճային։

Լսեք ինքներդ ձեզ

ջինսե տաբատ՝ Zara,  գոտի՝ Dries van Noten, բլուզ՝ Brunello Cucinelli, ականջօղեր՝ Tiffany Co 

Ոճ մշակելիս կարեւոր է լսել ինքներդ ձեզ, ոչ թե կուրորեն պատճենել: Հագնվեք հանուն ձեզ՝ համապատասխանելով ձեր ներքին վիճակին, ձեր նպատակներին, ձեր ապրելակերպին։

Ես անչափ ուրախ եմ, որ իմ սեփական բիզնեսի շնորհիվ կարող եմ ինձ թույլ տալ ընտրել իմ տեսքը։ Ես, իսկապես, չեմ սիրում խաղալ ուրիշների կանոններով, անմիջապես ուզում եմ ըմբոստանալ: Հետեւաբար, օրինակ, երբ ես աշխատում էի ներդրումային բանկային ոլորտում, շատ արագ սկսեցի ատել գրասենյակային խիստ դրես-կոդը, որը մենք ունեինք «Տրոյկա-Դիալոգ»-ում, եւ հետո երկար ժամանակ չէի ուզում նման բան հագնել: Սակայն որոշ ժամանակ անց վերադարձա կոստյումներին։ Հավանաբար միայն ծուլության պատճառով՝ հագնվելու գործընթացին նվազագույն ժամանակ հատկացնելու համար։ Ես սիրում եմ հարմարավետություն, արագություն, ազատություն, սիրում եմ տաբատ, կոստյումներ, գրեթե երբեք չեմ կրում կրունկներ, զգեստներ եւ կիսաշրջազգեստներ։

Ջինսե տաբատ՝ Zara, գոտի՝ Dries van Noten, բոդի՝ Etam, բաճկոն՝ Giorgio Armani, ականջօղեր՝ Tiffany Co 

Ոճը, իմ կարծիքով, ձեւավորվում է մշակութային դիտարկման միջոցով։ Դիտարկում ասելով նկատի ունեմ թանգարաններ, ցուցահանդեսներ, դասական թատրոն օֆլայն այցելելը, արվեստին, պատմությանը, ճարտարապետությանը ծանոթանալը եւ Instagram-ում ու TikTok-ում բլոգերներին չդիտարկելը: Ձեր վեպը գրելու համար նախ պետք է սովորեք այբբենարան:

Ես համոզված եմ, որ այն ամենը, ինչ մենք ստեղծում ենք, հետեւանք է այն ամենի, ինչ մենք սպառում ենք:

Ծնողները վճռորոշ դեր են խաղում ոճի ձեւավորման գործում: Երեխան գրեթե մաքուր թերթիկ է, եւ թե ինչպիսին կլինի նա եւ իր շրջապատը, որոշվում է մեր կողմից: Նույնիսկ եթե (եւ բարեբախտաբար) դեռահասության տարիքում նա տարվում է ինչ-որ խենթ ոճով, մենք արդեն նրա մեջ դրել ենք գեղեցկության եւ ճաշակի հիմքը, եւ, պարզապես, պետք է «արտաշնչել» եւ զվարճանալ գաղտագողի՝ մի կում «վալիդոլչիկ» խմելով։

Փողը չի սահմանում ոճը

Կան շատ փող ունեցող մարդիկ, ովքեր հագնվում են սարսափելի։ Նորաոճ եւ ճաշակով երեւալու ունակությունը չի որոշվում գումարի չափով։ Ես գիտակցված սպառման կողմնակից եմ, քան հսկայական քանակությամբ իրեր գնելու։ Ես կողմնակից եմ ներդրումային մոտեցման եւ հետեւողականության՝ այդ թվում զգեստապահարանում։

Մենք ապրում ենք սպառողական հասարակության մեջ. մեր նեյրոնային ցանցերը եւ, հետեւաբար, մեր ցանկությունները վերահսկվում են շուկայավարների կողմից: Շուկայի համար կարեւոր է, որ մենք շատ աշխատենք եւ շատ ծախսենք, ուստի մեզ անընդհատ մղում են դրան՝ օգտակարը տիրապետելու փոխարեն:

Կարդիգան՝ Burberry, ականջօղեր՝ Tiffany Co 

Ինձ համար գեղեցիկ իրերն ու հարմարավետությունը նպատակ չեն, դրանք ապրելու միջոց են։ Ուստի վստահ եմ, որ յուրաքանչյուր մարդու համար կարեւոր է «աճեցնել» ներդրողի մտածելակերպը եւ յուրաքանչյուր գործողության վերաբերվել որպես ներդրումի։

Մեր կատարած յուրաքանչյուր գնում ներդրում է: Մենք երբեք չենք ծախսում, մենք միշտ ներդրում ենք անում։ Կանաչ սմուզին դեմքին տալիս է առողջ երանգ, իսկ կրուասանը` անցողիկ հաճույք եւ ճարպ:

Բաճկոն՝ Giorgio Armani, տոպ՝ Zara, ջինսեր՝ Agolde 

Եթե ​​ՑԱՆԿԱՑԱԾ գնում գնահատենք՝ որպես ներդրում՝ վերադարձի առումով, մեր ընտրությունն անպայման կփոխվի: Ի դեպ, մարդիկ հաճախ ասում են, որ իրենք ավելորդ գումար չունեն շուկայում ներդնելու համար։ Այսպիսով վերցրեք այն եւ ավելորդ բանի փոխարեն գնեք բաժնետոմսեր կամ, պարզապես, մի կողմ դրեք։

Ի՞նչն է բնորոշում ոճային մարդուն:

Ուղեղը։ Եթե ​​ուղեղ ունես, դա ոճային է: Ես չեմ սիրում հավակնոտություն։ Ոճային մարդը նա է, ում նայելը հաճելի է, հետաքրքիր է դիտարկել նրա պատկերացումները գեղեցկության եւ անհատականության մասին՝ իր փորձառության եւ ապրելակերպի պրիզմայով։ Ինձ շատ է դուր գալիս, երբ տղամարդիկ իրենց հագուստի մեջ օգտագործում են հետաքրքիր հյուսվածքներ եւ գույներ, ոչ թե տոտալ սեւ եւ շատ ոսկեգույն:

Կոստյում՝ Brunello Cucinelli, ականջօղեր՝ Brunello Cucinelli, տոպ՝ Dissh, լոֆերներ՝ Jil Sander

Ճիշտն ասած՝ վերջին շրջանում ուզում եմ ավելի ու ավելի քիչ ուշադրություն դարձնել հագուստին, ավելի շատ կարեւորել հարդարումը եւ այն, ինչ կա մարդու ներսում։ Սլացիկ կազմվածքը, էներգիան, խնամված դեմքը եւ մազերը, հիանալի տրամադրությունը, ժպիտը, սերը դեպի այն, ինչ ձեզ շրջապատում է, ստեղծագործելու կիրքը, եւ ջինսով պարզ շապիկը մարդուն հրաշքով դարձնում են ոճային:

Կինը հայկական բիզնեսում

Ես չեմ փորձել հաղթահարել կարծրատիպեր. Կարծրատիպերն այն մարդու խնդիրն են, ում գլխում դրանք կան։ Բայց, իհարկե, եղել են մի շարք զավեշտալի պատմություններ, որոշ տղամարդիկ ցնցվել են, երբ ես հանդիպումների մենակ եմ գնացել՝ առանց հորս, ամուսնուս կամ գոնե որեւէ այլ տղամարդու:

Կարդիգան՝ ZZERO by Songzio, տոպ՝ Zara, շորտեր՝ Zara, գոտի՝ YSL, սպորտային կոշիկներ՝ Alexander McQueen, արեւային ակնոցներ՝ Dolce&Gabbana 

Բայց գիտե՞ք, Հայաստանում ես ավելի մեղմ եմ դարձել։ Ռուսաստանում, ընդհանուր առմամբ, ընդունված է հստակ եւ կոշտ բանակցային ոճը, ոչ ոք դա չի համարում անձնական վիրավորանք՝ հասկանալով, որ դա աշխատանքային գործընթաց է։ Երբ Հայաստանում սկսեցի նույն ոճով շփվել, այնքան էլ լավ չստացվեց։ Հաղորդակցման «արա եւ զեկուցիր» ոճը հանգեցրեց համակարգի փլուզմանը, հատկապես հայ տղամարդկանց շրջանում:

Ականջօղեր՝ Brunello Cucinelli, թեւնոց՝ Tiffany Co, ժամացույց՝ Apple, զգեստ՝ պարզապես գործվածք

Ի դեպ, հետաքրքիր է, բայց եթե խոսում ենք բիզնեսում կանանց մասին, ապա իմ փորձով կարող եմ ասել, որ հայ գործարար կանանց հետ աշխատելը դրական է: Այն տարբերակը, որ կլինեն շատ խոսքեր, բայց ոչ մի գործողություն, գործնականում չի առաջանում: Հետեւաբար, ես շատ եմ ուզում, որ Հայաստանում շուտով գա մի շրջան, երբ հնարավորությունները կապ չեն ունենա սեռի հետ, երբ ճիշտ մարդը ողջամիտ պատճառով ճիշտ դիրքում կլինի՝ անկախ իր սեռից։

Զրուցեց Լուսինե Վահրամյանը

Հետևեք NEWS.am STYLE-ին Facebook-ում, Twitter-ում և Instagram-ում