• Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական ​​թրիլլերում

  Քրիսթեն Ստյուարտը եւ Օսկար Այզեկը կնկարահանվեն 80-ականների վամպիրների մասին հեդոնիստական ​​թրիլլերում, որի ռեժիսորը Փանոս Կոսմատոսն է…

• Ֆիլմերում սեքսը կտրուկ նվազել է, բայց դարձել է ավելի բացահայտ

  Ըստ նոր հետազոտության՝ ֆիլմերում սեքսը կտրուկ նվազել է, բայց դարձել է ավելի բացահայտ․․․

• Ներկայացվել է դիսնեյան «Մուֆասա Առյուծ արքա» մուլտֆիլմի պրիկվելի թրեյլերը

  «Առյուծ արքա» անիմացիոն օրիգինալ ֆիլմի առաջին ցուցադրությունից 30 տարի հետո «Դիսնեյը» որոշել է հիշել Մուֆասայի ծագման պատմությունը․․․

• Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում

  Օսկարակիր դերասան Ռասել Քրոուն կնկարահանվի «Էկզորցիզմ»՝ առաջիկա սարսափ ֆիլմում…

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

Անցյալ տարի Կաննի կինոփառատոնում Վիմ Վենդերսի «Կատարյալ օրերը» ֆիլմը՝ Կոջի Յակուշոյի գլխավորությամբ ստացել է «Լավագույն դերասանի» մրցանակը:

Ֆիլմի՝ ամբողջովին տխրահռչակ սյուժեն կարող է մելամաղձության եւ ձանձրույթի մեջ գցել դիտողին, որին ավելի հետաքրքիր են էքշնն ու կոմիքները: Ֆիլմում չկան ֆանտաստիկ աշխարհ, կախարդական արարածներ կամ դինամիկ հետապնդում, որն արդեն զգալիորեն նվազեցնում է պոտենցիալ հետաքրքրված հանդիսատեսի թիվը: «Կատարյալ օրեր»-ը ռեալիզմի տխրահռչակ, բայց չափազանց թերագնահատված կտոր է, որը դիտելը պակաս զվարճալի չէ, քան գեղարվեստական ​​աշխարհներին հետեւելը:

Հիրայամա անունով գլխավոր հերոսն ապրում է Տոկիոյում եւ որպես հավաքարար է  աշխատում հասարակական զուգարաններում։ Հիրայամայի կյանքում շատ գեղեցիկ բաներ կան՝ բնության մասին խորհրդածություն, լուսանկարչություն, փոքրիկ գրադարան, երաժշտական ​​ձայներիզների հավաքածու եւ սեփական ջերմոց։ Հերոսը թրթիռով ու կրքով է վերաբերվում նաեւ իր առօրյա աշխատանքին։

Կոջի Յակուշոն հիանալի է կատարել իր դերը՝ մարմնավորելով ոչ միայն մեգապոլիսի մելանխոլիկ աշխատակցին, այլեւ երազկոտ մարդուն, ում կյանքը լի է փոքրիկ ուրախություններով։ Գլխավոր հերոսն ուշադրությամբ խնամում է սածիլները, քնելուց առաջ կարդում է Ֆոլքներ, Հայսմիթ եւ Կոդա Այու, աշխատանքի ճանապարհին լսում է Վան Մորիսոնին եւ The Smiths-ին, հիանում է տերեւների ու քամու խշշոցով, պատերի հյուսվածքներով, ստվերների արտացոլանքներով եւ հետեւում է շուրջբոլորը պտտվող մարդկանց:

Հանգստյան օրերին Հիրայամայի կյանքը լցված է այլ մտահոգություններով, ներառյալ տաճար այցելելը, տան մաքրությունը, լվացքատունը, լոգանքը, ընթրիքը՝ իր սիրելի սրճարանում, ֆիլմերի մշակումը եւ լուսանկարների տեսակավորումը, ինչպես նաեւ նոր գիրք գնելը: Այս ամբողջ առօրյա անցուդարձում գլխավոր հերոսն իրեն հարմարավետ է զգում եւ վայելում է իր շրջապատի դետալների գեղեցկությունը։

Հիրայամայի առօրյայում ներխուժում են նաեւ նոր ու անսովոր իրադարձություններ, որոնք նրա համար դառնում են խորհրդածության նոր աղբյուրներ: Հերոսը որքան լուռ է, նույնքան էլ ժպտերես, ինչը, ի թիվս այլ բաների, դիտողի համար նրան դարձնում է համակրելի։

Անգլերենում կան երկու իմաստալից բառեր՝ lonely եւ solitary, որոնք նշանակում են մենություն: Առաջինը մատնանշում է միայնակ մարդուն եւ պարունակում է տխրության երանգ։ Երկրորդը նշանակում է միայնակ մարդ, որը վայելում է իր ազատությունն ու մենությունը: Առաջինից այն առանձնանում է նաեւ մենակության մեջ ինքնաբավ զգալու ունակությամբ։ Այսպիսին է Հիրայաման՝ լուռ հերոս, ով նկատում է պարզ իրերի գեղեցկությունը, վայելում ու կլանվում է դրանով, իսկ նրա միջոցով դրսեւորվում է կյանքում ինքնաբավության մասին միտքը։

Այսօր խիստ լղոզվել են  «լավ կինո» հասկացության սահմանները, սակայն այն ստեղծելու համար պետք չէ խուսափել եւ հորինել նոր իրողություններ՝ բազմաթիվ հատուկ էֆեկտներով եւ բազմաթիվ սյուժետային շրջադարձերով։ Ի դեպ, «Իդեալական օրերի» սցենարը գրվել է մեկ ամսից էլ քիչ ժամանակում, իսկ ֆիլմն ինքնին նկարահանվել է ռեկորդային՝ 17 օրում, ինչը միայն ապացուցում է, որ գեղեցկության եւ իմաստի որոնման համար պետք է միայն նայել շուրջը։

Ներկա պահի պոեզիան եւ կյանքի արձակը պատմվում են տաղանդավոր Ֆրանց Լյուստիգի օպերատորական աշխատանքի միջոցով․ նա կարողացել է որսալ եւ դանդաղեցնել ծանոթ պատկերների արտահայտիչ կադրերն ու եզրերը՝ թույլ տալով դիտողին լիարժեք վայելել դրանք: 

Եկեք խուսափենք ներկայացնել հեռուստադիտողի ակնկալիքները եւ այն, ինչը, հավանաբար, կհիասթափեցնի նրան դիտելիս։ Կարիք չկա արդարացնել ֆիլմի որոշակի քայլերը, հազվագյուտ եւ կարճ երկխոսությունները, սյուժեի մեդիտատիվ բնույթը, ինչպես նաեւ ողբերգական ֆոնի եւ համատեքստի բացակայությունը․ այս ֆիլմն, անխոս, կգտնի իր լսարանին:

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում