• Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)

  NEWS.am STYLE-ի հետ զրույցում Թամլինն ավելի մանրամասն պատմեց իր տպավորությունների, Հայաստանի գինիների ու գինեգործների մասին...

• Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները

  Դուբայի ճարտարապետական ​​հրաշալիքներից երկուսը` Burj Al Arab-ը եւ Atlantis, The Palm-ը, Instagram-ում աշխարհի ամենահայտնի հյուրանոցներն են…

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Ջո Մանգանիելոն խոսել է Հայոց ցեղասպանությունից փրկված իր մեծ տատի մասին

  Ամերիկացի դերասան Ջո Մանգանիելոն, ով վերջերս է իմացել իր հայկական արմատների մասին, Instagram-ում պատմել է Հայոց ցեղասպանությունն ապրած իր մեծ տատի մասին…

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

Numbeo-ի 2024 թ-ի անվտանգության ինդեքսի համաձայն՝ Հայաստանն աշխարհի ամենաանվտանգ ուղղությունների տասնյակում է։ Կովկասյան երկիրը 146 երկրների մեջ զբաղեցրել է ութերորդ տեղը։ Հայաստանի պատմական մայրաքաղաք Երեւանը նույնպես լավ հորիզոնական է զբաղեցրել՝ 333 քաղաքների մեջ հայտնվելով 19-րդում: Սա գրավիչ առաջարկ է հանգստացողների համար, սակայն բացի հոգեւոր խաղաղությունից, Հայաստան այցելելու այլ պատճառներ էլ կան, գրում է Euronews-ը։

«Հնագույն կրոնական հուշակոթողները, համեղ խոհանոցը եւ աշխույժ մշակույթը հեշտությամբ զգացվում են Հայաստանի փոքր տարածքի շնորհիվ (դեպի ծով ելք չունեցող երկիրը 30,000 կմ2-ից քիչ տարածք ունի): Ահա՝ մի քանի պատճառ 2024 թվականին Հայաստան այցելելու համար։  

Տեղական խոհանոցը կարող է զարմացնել ձեզ

Երկրի թագավորությունների եւ նվաճողների բարդ պատմությունը տարիների ընթացքում ձեւավորել է հայկական խոհանոցը: Բայց հարուստ հողը միշտ տալիս էր ոսպ, ցորեն, թուզ եւ ծիրան:

Հացն այստեղ առատ է, իսկ ավանդական լավաշը համարվում է կարեւոր մշակութային խորհրդանիշ, այդ իսկ պատճառով այն ներառվել է ՅՈՒՆԵՍԿՕ-ի՝ մարդկության ոչ նյութական մշակութային ժառանգության ներկայացուցչական ցանկում։

Բարակ տափակ հացերի մեջ փաթաթում են տարբեր մսեր, հատկապես «խորոված»՝ հայկական խորոված։ Այն արագ չորանում է, երբեմն էլ հացը ծալում եւ չորացնում են, այնուհետեւ՝ հետագա օգտագործման համար, փափկեցնում են ջրով:

Այլ ավանդական ուտեստների թվում է տոլման: Այս ուտեստի պատվին ամեն տարի Արմավիր քաղաքում նշվում է «Ուդուլի» փառատոնը, որտեղ ներկայացված է տոլմայի լայն տեսականի, ինչպես նաեւ՝ խոհարարական վարպետության դասեր եւ մրցույթներ։

Նրանք, ովքեր բախտ կունենան ներկա գտնվել հայկական տոնական միջոցառման, օրինակ՝ հարսանիքի կամ Սուրբ Ծննդյան խնջույքի, կարող են փորձել «ղափամա»:

Հայաստանի լեռնադահուկային սահուղիները թերագնահատված են

Հայաստանը, ամենայն հավանականությամբ, այն ուղղությունը չէ, որը շատ դահուկորդներ հաշվի կառնեն՝ ձմեռային արձակուրդները պլանավորելիս, սակայն Ալպերից բարձր իր գագաթներով եւ արեւոտ ձմեռային օրերով այն շատ հարմար վայր է դահուկների սիրահարների համար:

Երկրի դահուկային ասպարեզում նորություն է Ապարանի տարածաշրջանի Մայլեր հանգստավայրը: Այստեղ դահուկորդները, սնոուբորդիստները եւ չմշկորդները կարող են վայելել մոտ 100 գծանշված արահետներ, 972 մետր բարձրությամբ ուղղահայաց անկում եւ լինել երեք առողջարանային գյուղերում:

Մեկ այլ հայտնի վայր Ծաղկաձորն է՝ երկրի ամենամեծ լեռնադահուկային հանգստավայրը, որը Երեւանից ընդամենը 40 րոպեի ճանապարհ է (մեքենայով)։ Ձեզ սպասում են երեսուն կիլոմետր արահետներ, որոնցից ամենաբարձրը սկսվում է 2819 մետրից։

Դահուկներով սահելու համար Հայաստանում լավագույն ժամանակահատվածը դեկտեմբերից մարտ ընկած ամիսներն են, երբ ջերմաստիճանը բավական ցածր է, որպեսզի իդեալական պայմաններ ստեղծվեն լանջերին սահելու համար:

Ընկղմվեք հայկական փառատոնի մեջ

Փառատոնները երկրի մշակութային ավանդույթների եւ պատմության մասին պատկերացում կազմելու հիանալի միջոց են, իսկ Հայաստանում դրանք շատ են: Երկիրը, գրեթե ամբողջ տարվա ընթացքում, հյուրընկալում է տարբեր միջոցառումներ՝ սննդի եւ գինու փառատոններից մինչեւ օդապարիկների եւ ջազի փառատոներ:

Երեւանի գինու օրերն ամենասիրվածներից են։ Այս աշխույժ փառատոնը, որն անցյալ տարի գրավել է ավելի քան 160,000 այցելուի եւ ցուցադրել 17,000 շիշ գինի, տեղի է ունենում հունիսի սկզբին եւ նշում է Հայաստանում գինեգործության ավելի քան 6000-ամյա պատմությունը:

Միջոցառման կենտրոնը Սարյան փողոցն է, որտեղ գինի արտադրողները ամբողջ երկրից առաջարկում են իրենց խմիչքների նմուշները։ Բեմում միշտ կենդանի երաժշտություն է հնչում, այցելուներին առաջարկվում են նաեւ տեղական համեղ ուտեստներ:

Ջազի օրը Երեւանում, Վարդավառը, մեղրի եւ հատապտուղների փառատոնը եւ միջազգային կինոփառատոնը տարվա ընթացքում տեղի ունեցող բազմաթիվ ու բազմազան միջոցառումներից ընդամենը մի քանիսն են:

Հայաստանում ՅՈՒՆԵՍԿՕ-ի ժառանգության վայրերը զարմանալի են

Որպես աշխարհի առաջին քրիստոնյա երկիր՝ Հայաստանն ունի պատմական մեծ նշանակություն։ Ամենաուշագրավ վայրերից է Էջմիածնի Մայր տաճարը։ Այս գեղեցիկ շինությունը, որը մեծապես սահմանել է տարածաշրջանի եկեղեցական ճարտարապետությունը, գրավել է ՅՈՒՆԵՍԿՕ-ի ուշադրությունը:

Հայաստանի հյուսիսային սահմանին ավելի մոտ՝ Լոռու մարզում, գտնվում են Հաղպատ եւ Սանահին վանքերը։ 10-րդ դարում կառուցված բյուզանդական վանքերը եւ փաստացի անձեռնմխելի պատմական հուշարձանները վկայում են հայկական եւ բյուզանդական ճարտարապետության անխափան միաձուլման մասին:

Գեղարդի վանքը եւ Ազատ գետի վերին հովիտը ժայռափոր դամբարանների եւ եկեղեցիների հավաքատեղի են։ Երեւանից մեքենայով ընդամենը մեկ ժամվա ճանապարհ, եւ կտեսնեք այս միջնադարյան շինությունները, որոնք աչքի են ընկնում զառիթափ ժայռերի ֆոնին։ Ճանապարհին մի պահ կանգ առեք եւ քար նետեք ժայռի եզրին՝ երազանք պահելու համար: Տեղացիները կարծում են, որ եթե այն մնա շեմին, ձեր ցանկությունը կարող է իրականանալ։

Հետևեք NEWS.am STYLE-ին Facebook-ում, Twitter-ում և Instagram-ում