Թեյլոր Սվիֆթը, իր փառավոր կարիերայից 17 տարի անց, պաշտոնապես հասել է միլիարդատիրոջ կարգավիճակի:
Forbes-ը հրապարակել է 2024 թ-ի միլիարդատերերի իր ցուցակը, որտեղ Թեյլորը բարձրացել է տասնչորսերորդ հորիզոնական։ Շնորհիվ նրա Eras շրջագայության, երաժշտական կատալոգի արժեքի եւ անշարժ գույքի պորտֆելի՝ նրա կարողությունը գնահատվում է 1,1 միլիարդ դոլար:
Սա նաեւ երգչուհու առաջին վեց ալբոմների հսկայական եկամուտների արդյունքն է, որոնք նա վերաձայնագրել է հոսքային հարթակների հետ բանակցությունների ընթացքում: Այս ձեռքբերումը, հատկապես, առանցքային է, քանի որ նա այն քչերից է, ով հասել է այս կարեւոր նվաճմանը «միայն երաժշտության եւ իր կատարման միջոցով»:
Ոչ ոք իր՝ ռեալիթի աստղի համբավից այնքան չի շահել, որքան Քիմ Քարդաշյանը, ով միլիարդատեր է դարձել իր գեղեցկության եւ հագուստի ապրանքանիշերի շնորհիվ։
Նրա «Skims» բրենդը 2023 թվականին գնահատվել է 4 միլիարդ դոլար, իսկ 2020 թվականին նա 200 միլիոն դոլարով Coty-ին վաճառել է KKW Beauty կոսմետիկ ընկերության 20 տոկոսը: Վարկանիշում 6-րդ տեղը զբաղեցնող Քիմի կարողությունը գնահատվում է 1,7 մլրդ դոլար։
Նրանից մեկ քայլ առաջ՝ հինգերորդ տեղում, Jay-Z-ն է իր 2,5 մլրդ դոլար կարողությամբ: Առաջին հիփ-հոփ միլիարդատերը 2021 թվականին իր շամպայնի ապրանքանիշի՝ Armand de Brignac-ի 50%-ը առնվազն 300 միլիոն դոլարով վաճառել է շքեղ ապրանքների հսկա LVMH-ին, իսկ իր կոնյակի D'Usse ապրանքանիշի բաժնետոմսերի մեծամասնությունը 2023 թվականին վաճառել է 750 միլիոն դոլարով:
Նա նաեւ բաժնետոմսեր ունի Uber եւ Block ընկերություններում: Նրա կապիտալում չի ներառվում կնոջ՝ Բեյոնսեի կես միլիարդ դոլար կարողությունը։
Հայտնի միլիարդատերերի հնգյակում ներառվել է Օփրա Ուինֆրին (2,8 միլիարդ դոլար):
Ցերեկային թոք-շոուի հաղորդավարուհին 2003 թվականին դարձել էր առաջին սեւամորթ կին միլիարդատերը: Այդ ժամանակվանից նա իր բրենդը վերածել է մեդիա եւ բիզնես կայսրության՝ ներառյալ անշարժ գույքի ներդրումները եւ սեփական արտադրական ընկերությունը:
Մայքլ Ջորդանի կարողությունը 3,2 միլիարդ դոլար է։
Ջորդանը 2015 թվականին դարձավ առաջին միլիարդատեր մարզիկը, բայց դա նրա լեգենդար բասկետբոլային կարիերայի պատճառով չէր: Նա ավելի քան 1,8 միլիարդ դոլար է վաստակել բրենդների հետ գործնական համագործակցություններից, որոնցից ամենահայտնին Nike Jordan ապրանքանիշն է: Նա նաեւ շատ խելացի ներդրում էր կատարել 2010 թվականին՝ 175 միլիոն դոլարով գնելով NBA-ի «Շարլոտ Հորնեթս» թիմը: Այնուհետեւ՝ 2023 թվականի օգոստոսին, նա թիմը վաճառեց 3 միլիարդ դոլարով:
Սթիվեն Սփիլբերգ. կարողությունը՝ 4,8 միլիարդ դոլար։
Սփիլբերգը ցուցակին միացել է 1994 թվականին՝ դառնալով այնտեղ ներառված առաջին ռեժիսորը: «Ես խաղացող եմ»,-նույն տարի Forbes-ին ասել է նա: «Ես գրեթե տասը տարի աշխատավարձ չեմ ստացել»: Փոխարենը, նա բանակցում էր իր ֆիլմերի համախառն վաճառքի տոկոսը ստանալու համար, եւ «Ինդիանա Ջոնսի» ֆիլմաշարի շնորհիվ մինչ օրս ստանում է Universal թեմատիկ զբոսայգիներում վաճառված յուրաքանչյուր տոմսի մի մասը:
Ջորջ Լուկաս. կարողությունը՝ 5,5 միլիարդ դոլար։
«Աստղային պատերազմների» ռեժիսորը, ով առաջին անգամ որպես միլիարդատեր հանդես է եկել 1997-ին, աշխարհի ամենահարուստ հայտնի մարդն է՝ հիմնականում իր LucasFilm պրոդյուսերական ընկերության շնորհիվ, որը նա 2012-ին, ավելի քան 4 միլիարդ դոլարով, վաճառեց Disney-ին:
Հետևեք NEWS.am STYLE-ին Facebook-ում, Twitter-ում և Instagram-ում
21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին15:05, 17 մայիսի
«Չենք բաժանվել, չենք վիճել». Սիլվի Բարկովան մեկնաբանել է Instagram-ում կրկին իր ազգանունով ներկայանալու որոշումը14:35, 17 մայիսի
Ոճաբան Սերգեյ Զվերեւը վստահեցրել է, որ Պուգաչովան կվերադառնա Ռուսաստան13:20, 17 մայիսի
Քիմ Քարդաշյանի դուստրը՝ Նորթ Ուեսթը, փոխել է մազերի գույնը. 10-ամյա սկսնակ ռեփերը ցուցադրում է իր շեկ ալիքները12:20, 17 մայիսի
«Մեգալոպոլիս»-ի դեբյուտը Կաննում ուղեկցվել է 7-րոպեանոց հոտնկայս ծափահարություններով11:28, 17 մայիսի
«Լադանիվա»-ն ներկայացրել է «Արարատ» հայտնի երգն՝ իր մեկնաբանությամբ (VIDEO)10:05, 17 մայիսի
Մոսկվայում անհետացել է «Папины дочки» հեռուստասերիալի դերասանը09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել