Դերասան Ալան Ռիչսոնը ինքնասպանության փորձ է կատարել բազմաթիվ սեռական ոտնձգությունների զոհ դառնալուց հետո։
«Ես քիչ էր մնում ինձ կախեի»,- Hollywood Reporter-ին ասել է դերասանը, ով հանդես է եկել «Կապույտ լեռան նահանգը», «Սմոլվիլ» եւ «Սեւ հայելի» սերիալներում, իսկ ներկայումս նկարահանվում է Prime Video-ի «Ռիչեր» ֆիլմում:
Նա ասել է, որ դա արել է Կալիֆորնիայում գտնվող իր տան վերնահարկում՝ օգտագործելով երկարացման լարը: «Ամեն ինչ այնքան արագ կատարվեց», - հիշում է նա: Սակայն վերջին պահին Ռիչսոնը փոխել է միտքը, քանի որ տեսիլք է ունեցել, որում երեք որդիները խնդրում էին նրան չանել դա։
41-ամյա Ռիչսոնն ասել է, որ անհանգստացնող միջադեպից անմիջապես հետո օգնություն է խնդրել: 36 տարեկանում նրա մոտ ախտորոշվել է երկբեւեռ խանգարում։ Մի քանի տարի անց՝ 40 տարեկանում, նա իմացավ, որ իր մոտ առկա է ADHD (ուշադրության դեֆիցիտի հիպերակտիվության խանգարում):
Նրա ինքնասպանության փորձը տեղի է ունեցել տարիներ շարունակ սեքսուալ ոտնձգություններից հետո, երբ աշխատում էր մոդելային ոլորտում, իսկ հետո՝ դերասանական աշխարհում:
«Շատ քիչ առավելություններ կան մոդելային ոլորտում: Եկեք անկեղծ լինենք, սա նման է օրինականացված սեռական թրաֆիքինգի»,-նշել է նա:
Մի դեպքից հետո երեք երեխաների հայրը վերջնականապես լքել է մոդելային աշխարհը։ «Ինձ հրավիրել էին նկարահանվելու շատ հայտնի լուսանկարչի համար»,- հիշում է նա։ «Ինձ ուղարկեցին հյուրանոցի սենյակ՝ մերկ լուսանկարվելու համար՝ խոստանալով, որ նա ինձ շատ եկամտաբեր առաջարկ կանի: Այդ տղան, սակայն, սեռական ոտնձգություն կատարեց իմ հանդեպ».
Ավելի ուշ, երբ նա հաջողությամբ մուտք գործեց հեռուստատեսության եւ կինոարդյունաբերության աշխարհ, մեկ այլ ավերիչ հարված պատճառ դարձավ նրա հոգեկան առողջության վատթարացմանը: Նրա խոսքով՝ կինոֆոնդի ներկայացուցչուհու հետ գործնական հանդիպումներից հետո վերջինը սկսել է սպառնալ իրեն։ «Նա ինձ ստիպեց, որ գնամ իր սենյակ եւ ասաց, որ եթե չանեմ, նա կկործանի ինձ եւ լրատվամիջոցներին կասի, թե ես բռնաբարել եմ իրեն»,-պատմել է դերասանը։
Թեեւ սպառնալիքներն ապարդյուն են եղել, դերասանն ապշել է կատարվածից։ «Ես չափազանց ճնշված էի եւ չգիտեի՝ ինչպես վարվել դրա հետ»,-բացատրել է նա: Հետո նա ինքնասպանության փորձ է արել։
Հետևեք NEWS.am STYLE-ին Facebook-ում, Twitter-ում և Instagram-ում
22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին21:14, 3 մայիսի
NEWS.am STYLE-ի նոր սյունակ. Ծաղիկներ տանը և ոչ միայն. Ինչպես չսպանել խոլորձը և ծաղկեցնել20:26, 3 մայիսի
Wine Story. Սովինյոն Բլանի միջազգային օր՝ ձեր սիրելի սպիտակ գինու տոն19:43, 3 մայիսի
Կոպենհագենում Միշլեն աստղով ռեստորանները ամենաթանկն են աշխարհում16:34, 3 մայիսի
Macallan-ը և Cirque Du Soleil-ը միավորվում են՝ վիսկիի համտեսի և մահաբեր հնարքների համար15:25, 3 մայիսի
Ֆարել Ուիլյամսը միանում է Tiffany & Co-ին Titan ոսկերչական հավաքածու ստեղծելու համար14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)