• Հանուն սեքսի ճանապարհորդությունը 2024 թվականի թրենդն է

  Ոմանք ճամփորդում են, որպեսզի հանգստանան։ Մյուսները ճամփորդում են, որպեսզի նոր վայրեր տեսնեն եւ ուսումնասիրեն աշխարհը։ Բայց ճանապարհորդների մեծ մասը ճամփա է ընկնում հանուն սեքսի...

• Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs պատկերասրահում բացվեց քանդակագործ Մկրտիչ Մազմանյանի հայաստանյան առաջին ցուցահանդեսը...

• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• «Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ

  Ստորջրյա կադրերում երևում է, որ ծովային կենսաբանը, ըստ երևույթին, շփվում է ութոտնուկի հետ՝ խեցգետիններ որսալիս․․․

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

  Սեքսի դեպքում գեղեցկությունը հաճախ կենտրոնական տեղ է զբաղեցնում․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Այսօր առավոտյան ձեր խմած սուրճը կարող է լինել 600 000 տարեկան

  Օգտագործելով ամբողջ աշխարհում սուրճի բույսերի գեները՝ հետազոտողները ստեղծել են աշխարհի ամենահայտնի սորտի՝ Coffea arabica-ի տոհմածառը․․․

Տարօրինակ նկարներով միջնադարյան ձեռագիրը կարող է լինել սեքսի մասին շատ հնագույն ձեռնարկ կամ գոնե դրա մի մասը: Վոյնիչի ձեռագիրն արդեն, գրեթե, հարյուր տարի է՝ հետաքրքրում է գիտնականներին եւ հանրությանը:

Ձեռագիրը գրված է մի լեզվով, որը դեռ պետք է վերծանվի, այսինքն՝ մենք պատկերացում չունենք, թե ինչ է փորձում ասել այն կամ դրա գունավոր նկարները: Սակայն այժմ Սիդնեյի Մաքքուարի համալսարանի երկու պատմաբաններ կարծում են, որ կարողացել են հայտնաբերել դրա բանալին, որի հիմքում սեքսն է:

Ենթադրվում է, որ գիրքը թվագրվում է, մոտավորապես, 15-րդ դարի սկզբից: Այնուամենայնիվ, դրա առաջին հայտնի սեփականատերը Սուրբ Հռոմի կայսր Ռուդոլֆ II-ն էր, ով ապրել է 1552 և 1612 թվականներին։

Գրքում Կենդանակերպի նշանները, թագերը, ամրոցի պարիսպը եւ Արեւը միախառնված են մերկ կանանց բազմաթիվ պատկերներով:

The Conversation-ի հոդվածում հետազոտության համահեղինակ՝ դոկտոր Քիգան Բրյուերը նշում է՝ «Բաժիններից մեկը պարունակում է մերկ կանանց նկարազարդումներ, որոնք առարկաներ են պահում իրենց սեռական օրգանների մոտ: Այսպիսի բաները տեղ չէին կարող գտնել խոտաբույսերին կամ աստղագիտությանը նվիրված ձեռագրում։ Այս պատկերների իմաստը հասկանալու համար մենք ուսումնասիրեցինք ուշ միջնադարի գինեկոլոգիայի եւ սեքսոլոգիայի մշակույթը, որը ժամանակի բժիշկները հաճախ անվանում էին «կանացի գաղտնիքներ»։

Խումբը, նախ, ուսումնասիրել է բավարացի բժիշկ Յոհաննես Հարթլիբի աշխատանքը, ով ապրել է նույն ժամանակներում եւ նույն վայրում, որտեղ գրվել է Վոյնիչի ձեռագիրը:

«Իր գաղտնագրերում նա կամ հրաժարվում է կամ տատանվում է գրել որոշ թեմաների մասին, ինչպիսիք են՝ հետծննդյան քսուքները, կանանց սեռական հաճույքները, հղիության «ճիշտ» դիրքերը, դիետիկ առաջարկությունները, որոնք փոխում են լիբիդոն, եւ տեղեկություններ թունավոր, հալյուցինոգեն, հակաբեղմնավորիչների մասին։ Որպես մեկը, ով գնահատում էր հետերոսեքսուալ ամուսնությունն ու կանացի «համեստությունը» եւ քննադատում էր ցանկասիրությունը, անառակությունն ու մարմնավաճառությունը, նա բավական ավանդապաշտ էր իր շրջապատում։

Այսպիսով, մենք գիտենք, որ սեքսն այն ժամանակ ավելին էր, քան տաբու։ Այդ դեպքում ի՞նչն է հուշում, որ այս գիրքը հենց դրա մասին է:

Նախ, միայն այն պատճառով, որ ինչ-որ բան դատապարտված է, չի նշանակում, որ մարդիկ չեն ցանկանում գրել կամ իմանալ դրա մասին: Այստեղից էլ՝ ծածկագիրը՝ գաղտնի կոդավորված լեզուն: Հետազոտողները վերծանել են նույն ժամանակաշրջանի մի շարք կոդավորված գրություններ, որոնք քննարկում էին «կանացի գաղտնիքները»։

«Մենք նաեւ գտել ենք հեղինակների կողմից ինքնագրաքննության բազմաթիվ օրինակներ կամ ընթերցողների կողմից գինեկոլոգիական կամ սեքսոլոգիական տեքստերում տեղեկատվությունը ջնջելու կամ ոչնչացնելու օրինակներ»,-ասել է դոկտոր Բրյուերը,-«Հաճախ թաքցվել է ընդամենը մի քանի բառ՝ սովորաբար սեռական օրգանների տերմիններ կամ բույսերի անուններ, բայց երբեմն հեռացնում էին ամբողջական էջեր կամ գլուխներ»:

Բավարիայի մի ձեռագիր պարունակում էր անտեսանելի բաղադրատոմսեր՝ կանանց սեքսուալության վերաբերյալ, որին հաջորդող երկու էջերը հեռացված են: 

Թիմը պնդում է, որ գրքի ամենամեծ եւ ամենաբարդ նկարազարդումը` «Վարդերը», ներկայացնում է սեռի ուշ միջնադարյան ըմբռնումը։ «Ուշ միջնադարում կարծում էին, որ արգանդն ունի յոթ վզիկ, իսկ հեշտոցը՝ երկու բացվածք (մեկը՝ արտաքին, մյուսը՝ ներքին),-ասել է Բրյուերը:

Բացի այդ, այն ժամանակվա բժիշկները կարծում էին, որ բեղմնավորման համար պահանջվում է եւ՛ արական, եւ՛ իգական բաղադրիչ, եւ նրանք սխալ չէին, բայց այն ժամանակ երկուսն էլ կոչվում էին սերմնաբջիջներ: Վարդերում դրանք ցուցադրվում են դեղին գույնով՝ արուի համար, իսկ կապույտը՝ էգերի:

«Չնայած նկարազարդման շատ առանձնահատկություններ դեռ պետք է հասկանալի լինեն, մեր առաջարկն արժանի է մանրակրկիտ քննարկման», - ասում է դոկտոր Բրյուերը,-«Մենք հուսով ենք, որ ձեռագրի հետագա ուսումնասիրությունները կարվեն նմանատիպ ոսպնյակի միջոցով: Հնարավոր է, որ բավարար ապացույցներ ունենալով՝ մենք, վերջապես, կկարողանանք վերծանել այս տեքստը»:

Հետևեք NEWS.am STYLE-ին Facebook-ում, Twitter-ում և Instagram-ում