• Առանց շաքարի գազավորված ըմպելիք, թե՞ ջուր. ուսումնասիրությունը պարզել է, թե որ ըմպելիքն է ավելի արդյունավետ քաշի կորստի համար  

  Ուսումնասիրությանը մասնակցել է 18-ից 65 տարեկան 493 մարդ՝ 27-ից 35 մարմնի զանգվածի ինդեքսով: Մի խմբին օրական տրվել է մոտ 660 մլ ջուր, մինչդեռ մյուսը ստացել է նույն քանակությամբ ոչ կալորիական քաղցրացուցիչներով ըմպելիքներ: Փորձը տևել է 104 շաբաթ...

• Կանայք «կոտրում են» իրենց կողոսկրերը՝ իշամեղվի ձև ունեցող իրան ունենալու համար. նոր ծայրահեղ վիրահատությունը հարցեր է առաջացնում բժիշկների շրջանում

  Գեղեցկության ոլորտը հասել է մի կետի, որը մի ժամանակ անհնար էր համարվում. այժմ հնարավոր է փոխել ոչ միայն ճարպային հյուսվածքը, կուրծքը կամ դեմքը, այլև կողերի ձևը…

• Քիմ Քարդաշյանը տարված է «երկարակեցության պարկուճով», բայց բժիշկները տագնապ են հնչեցնում  

  «Ես փոխել եմ իմ մտածելակերպը և այժմ կենտրոնացած եմ երկարակեցության և բջջային առողջության վրա», - ասել է Skims-ի հիմնադիրը The Sunday Times-ին տված հարցազրույցում...

• Սմարթֆոնները գողանում են կյանքի տարիները. գիտնականները զգուշացնում են անվերջ սքրոլինգի հետևանքների մասին

  Սոցիալական ցանցերում ժամերով սքրոլինգ անելը կարող է շատ ավելի լուրջ առողջական հետևանքներ ունենալ, քան ընդունված է ենթադրել…

• Քաշի կորստի հայտնի դեղամիջոցները կարող են սպառել ուղեղի էներգիան. փորձագետը զգուշացնում է ռիսկերի մասին

  GLP-1 քաշի կորստի դեղամիջոցների, այդ թվում՝ Օզեմպիկի և Վեգովիի, արագ աճող ժողովրդականության ֆոնին, մասնագետները զգուշացնում են, որ չափազանց արագ քաշի կորուստը և կալորիաների խիստ սահմանափակումը կարող են զրկել ուղեղին անհրաժեշտ էներգիայից և սննդանյութերից․․․

• Պանիրը թույլատրելի է, կարագը՝ զգուշությամբ. գիտնականները պարզել են, թե որ ճարպոտ սննդամթերքներն են իսկապես առողջարար

  Տարիներ շարունակ մեզ ասել են, որ ճարպոտ սնունդը վնասակար է մեզ համար․․․

• Մեկ ամիս ապրելով 90-ամյա իտալացու պես. բլուրները, մակարոնեղենը և թարմ մթերքները անսպասելիորեն փոխեցին առողջական վիճակը

  Հյուսիսային Իտալիայի մի փոքրիկ լեռնային գյուղում ընդամենը չորս շաբաթ ապրելը՝ զառիթափ փողոցներով շատ քայլելը, թարմ մթերքները, հարևանների հետ շփվելը և ավելի դանդաղ տեմպը, զգալիորեն փոխակերպեցին The Telegraph-ի լրագրող Ռոզի Թեյլորի ֆիզիկական պատրաստվածությունը․․․

• Օրական ընդամենը երկու գդալ. գիտնականները անսպասելի կապ են հայտնաբերել լոլիկի և հիշողության միջև

  Մրգերով և բանջարեղենով հարուստ սննդակարգը վաղուց է կապվում հիշողության բարելավման հետ․․․

Հղիությունը երանելի կարգավիճակ է ցանկացած կնոջ համար: Ամուսնացած, թե չամուսնացած` իգական սեռի բոլոր ներկայացուցիչներն էլ երազում են մայրանալու մասին: Բայց արդյո ՞ ք նրանք հոգեպես եւ ֆիզիկապես պատրաստ են դրան: Հարեւաններից կամ ընկերներից լսած պատմությունները երբեմն սարսափ են առաջացնում մայրանալ պատրաստվող շատ կանանց մոտ, եւ ակամայից վախ է ձեւավորվում ինչպես հղիության ընթացքի, այնպես էլ ծննդաբերության հետ կապված: Սակայն, իրականում ինչպե ՞ ս է կնոջ օրգանիզմը նախապատրաստվում հղիությանը, ի՞ նչ սպասել հղիության ինն ամիսներից եւ, որ ամենակարեւորն է, ինչպե ՞ ս հաղթահարել վախը` հանդեպ ծննդաբերության: Այս հարցերի շուրջ NEWS.am STYLE-ը զրուցել է  մանկաբարձ-գինեկոլոգ Պավել Սոցկիի հետ:

«Հղիության առաջին օրերից սկսած օրգանիզմում տեղի են ունենում տարբեր ֆիզիոլոգիական փոփոխություններ, որոնք ապահովում են պտղի նորմալ զարգացումը, օրգանիզմը նախապատրաստում են ծննդաբերությանը եւ կրծքով կերակրմանը: Կնոջ համային նախընտրությունները սկսում են փոխվել. նախապատվությունը տալիս են կծու, թթու կամ այնպիսի սննդին, որ նախկինում երբեք չեն սիրել կամ կերել:

Երբեմն առաջանում է սրտխառնուց, հոգնածություն, մեծանում է երկարատեւ եւ հաճախակի քնի պահանջը: Մաշկը դառնում է էլաստիկ, ավելի փայլուն, երբեմն առաջանում են պիգմենտային օղակներ, որոնք սովորաբար անցնում են հղիությունից հետո: Կրցքագեղձերը լցվում են, արեոլայի գույնը մգանում է: Սիրտանոթային համակարգի վրա մեծանում է բեռնվածությունը, քանի որ վերջինս արդեն սկսում է պատասխանատվություն կրել ոչ թե մեկ, այլ երկու հոգու համար: Արյան համակարգում եւս փոփոխություններ են տեղի ունենում. մեծանում է շրջանառվող արյան ծավալը, որի հետեւանքով կարող է ընկնել հեմոգլոբինի քանակը: Օրգանիզմում մեծանում է երկաթի պահանջը: Այդ պատճառով երբեմն բժիշկները հղիության ընթացքում երկաթ պարունակող դեղամիջոցներ են նշանակում:

Հղիության ավելի ուշ շրջանում կարող է առաջանալ հաճախամիզություն, որը պայմանավորված է արգանդի՝ միզապարկի վրա ճնշում գործադրելով: Հնարավոր է փորկապություն եւս առաջանա, մարսողական համակարգում՝ այրոցի զգացում եւ այլ փոփոխություններ»,-նկարագրելով կնոջ օրգանիզմում հղիության ընթացքում տեղի ունեցող փոփոխությունները` ասաց Սոցկին:

Խոսելով հղիության բացասական հետեւանքների մասին, գինեկոլոգ-մանկաբարձն ասաց, որ հղիությունը չունի ոչ մի բացասական կողմ՝ բացի ժամանակավոր անհարմարություններից, քանի որ այն պետք է դիտել որպես ֆիզիոլոգիական բնական գործընթաց, որն իր մեջ ներառում է բազմաթիվ դրական ապրումներ եւ հույզեր:

«Հղիության բացասական կողմ կարող ենք համարել հետծննդաբերական շրջանում մաշկի վրա երբեմն մնացող ստրիաները (հղիության զոլեր), ավելորդ քաշը, ծանր եւ բարդ ծննդաբերության հետեւանքով առաջացած պատռվածքները, կարերը եւ այլն»,-հավելեց նա:

Անդրադառնալով ծննդաբերության հետ կապված վախերին եւ պտղի նորմալ զարգացման վրա դրանց թողած ազդեցությանը, Պավել Սոցկին նշեց, որ ծննդաբերության վախը հաճախակի հանդիպող երեւույթ է, որին բախվում է հղի կանանց մեծ մասը:

«Հաճախ եմ լսում, թե այդ վախն ազդում է պտղի վրա, սակայն այդպես չէ: Ծննդաբերությունը ֆիզիոլոգիական գործընթաց է եւ բնական է, որ ցանկացած կին անհանգստանում է եւ վախենում ծննդաբերությունից, դրա ցավերից: Այն հղիներին, ովքեր պատրաստվում են ծննդաբերել, խորհուրդ եմ տալիս չվախենալ ցավերից, ընդունել դա որպես բնական երեւույթ, ծննդաբերության ժամանակ լսել բժշկի եւ մանկաբարձուհու ցուցումները, հոգեպես պատրաստ լինել ժամանակավոր անհարմարություններին, չլարվել եւ հիշել, որ գտնվում եք բժիշկների անմիջական հսկողության տակ»:

Վերջում մանկաբարձ-գինեկոլոգը մաղթեց`

«Եղեք առողջ, ապագա մայրեր, եւ մնացեք բժիշկների հսկողության ներքո»:

Հետևեք NEWS.am STYLE-ին Facebook-ում, Twitter-ում և Instagram-ում