Այսօր Հայաստանի եւ Ռուսաստանի ճանաչված շոումեն, երգիծաբան եւ հաղորդավար, «Comedy Club» շոուի անդամ Գարիկ Մարտիրոսյանը 40 տարեկան է դառնում:
Նշենք, որ Գարիկը ծնվել է փետրվարի 13-ին: Ծնողները խնդրել են ծննդյան օր գրել փետրվարի 14-ին, քանի որ 13-ը հաջողակ թիվ չէ, այդ պատճառով Գարիկը տարեդարձը նշում է երկու օր շարունակ:
Միջնակարգ դպրոցին զուգահեռ Գարիկը նաեւ երաժշտական դպրոց է հաճախել: Սակայն վատ առաջադիմության պատճառով նրան հեռացրել են: Երաժշտական տարբեր գործիքներ նվագելու սերը նրա մոտ ավելի ուշ է առաջացել: Մարտիրոսյանը սովորել է դաշնամուր, թմբուկ, կիթառ նվագել, նաեւ սկսել է երաժշտություն գրել:
Դպրոցն ավարտելուց հետո Գարիկ Մարտիրոսյանն ուսումը շարունակել է Երեւանի Պետական Բժշկական համալսարանում՝ նյարդաբան-հոգեթերապեւտի մասնագիտությամբ: Բժշկի մասնագիտությունը նա պատահական չի ընտրել, քանի որ մայրը՝ տիկին Ժասմինը, բժիշկ-գինեկոլոգ է, գիտությունների դոկտոր: Չնայած ստացած մասնագիտությունը Գարիկին դուր էր գալիս, որպես բժիշկ ընդամենը երեք տարի է աշխատել:
Մարտիրոսյանի կյանքը փոխվեց 1993թ., երբ դարձավ ՈՒՀԱ-ի «Նոր հայեր» թիմի խաղացող: Մի քանի տարի անց՝ 1997 թվականին, նա դարձավ թիմի կապիտանը: Ուրախների ու հնարամիտների ակումբի բեմում ելույթների եւ նկարահանումների շնորհիվ Գարիկին նկատեցին եւ հրավիրեցին աշխատել «Добрый вечер» հաղորդման մեջ, Իգոր Ուգոլնիկովի հետ:
2005թ. Գարիկ Մարտիրոսյանը դառնում է Comedy Club նախագծի հեղինակներից մեկը, որը ստեղծել էին «Նոր հայեր» թիմի նրա ընկերները՝ Արթուր Թումասյանը, Արթուր Ջանիբեկյանը, Արտակ Գասպարյանն ու Արտաշես Սարգսյանը: Նախագծի հիմքում հումորային ելույթներ էին, ինչպես ՈՒՀԱ-ում: Սակայն մատուցման բնույթն այլ էր: Հաղորդման նման ձեւաչափը հանդիսատեսին դուր եկավ եւ շատ արագ ճանաչում ձեռք բերեց:
Շուտով Մարտիրոսյանն ընդլայնեց գործունեությունը եւ նոր նախագծեր սկսեց: 2006թ. նա դարձավ «Наша Russia» շոուի (ТНТ հեռուստաալիք), ինչպես նաեւ «Наша Russia. Яйца Судьбы» ֆիլմի համապրոդյուսերն ու համահեղինակը:
2007թ. Գարիկին առաջարկեցին դառնալ Առաջին ալիքի «Минута славы» նախագծի առաջին եթերաշրջանի վարողը, իսկ 2008-ին՝ «Прожекторперисхилтон» շոուի հաղորդավարներից մեկը:
Գարիկը երկու երեպա ունի: Կնոջ՝ իրավաբան Ժաննա Լեւինայի հետ ծանոթացել է 1997թ., Սոչիում, ՈՒՀԱ-ի խաղի ժամանակ: Նրանց միջեւ հարաբերություններ սկսվեցին ծանոթությունից մեկ տարի անց: 2004թ. զույգը դուստր ունեցավ՝ Ժասմինը, իսկ 2009-ին ծնվեց նրանց որդին՝ Դանիելը: Ազատ ժամանակը Գարիկը ձգտում է ընտանիքի հետ անցկացնել:
Հետևեք NEWS.am STYLE-ին Facebook-ում, Twitter-ում և Instagram-ում
10:11, 29 ապրիլի
«Եվրատեսիլ 2024»-ում Հայաստանի ներկայացուցիչներն արդեն Մալմյոյում են09:00, 29 ապրիլի
ԱՊՐԻԼԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ11:44, 28 ապրիլի
Doja Cat-ը շատ համարձակ ու բաց լողազգեստով ցուցադրել է կազմվածքը10:35, 28 ապրիլի
Փերիս Հիլթոնը մերկացել է Flaunt ամսագրի շապիկի համար09:00, 28 ապրիլի
ԱՊՐԻԼԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից