«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Ինչպիսի՞ աղջիկը երբեք չի գրավի Սամվել Մալոյանին, ինչպիսի՞ն է իր պատկերացմամբ իդեալական կինը, և ո՞ր դերասանուհուն է սիրահարված մինչ այսօր. Կանանց մասին բլից՝ երգչի հետ

20:30, 7 մարտի

Մարտի 8-ին ընդառաջ NEWS.am STYLE-ը փոքրիկ բլից-զրույց է ունեցել «Ազգային երգիչ 2» նախագծի հաղթող, երգիչ, դերասան և հաղորդավար Սամվել Մալոյանի հետ։ Հարցերը պարզ էին, պատասխանները՝ անկեղծ ու երբեմն էլ՝ անսպասելի։ Երիտասարդ երգիչը, որն արդեն ունի երկրպագուհիների մեծ բանակ, խոսել է իր կյանքի ամենաազդեցիկ կնոջ մասին, պատմել՝ ինչպիսի աղջիկների է համակրում, ինչն են տղամարդիկ թերագնահատում կանանց մեջ և ինչ է նշանակում «իդեալական կին» արտահայտությունն իր համար։

Ահա մեր բլից հարցուպատասխանը՝ ամբողջությամբ։

Քո ճանաչած կանանցից ո՞վ է ամենախորը ազդեցությունն ունեցել քեզ վրա և ինչո՞ւ։

Կարծում եմ՝ ինչպես յուրաքանչյուր արական սեռի ներկայացուցչի կյանքում, այնպես էլ իմ կյանքում, ամենամեծ, խորքային ու հիմնարար ազդեցությունը թողնում է մայրը։

Կա՞ արդյոք աղջկա մի տեսակ, որը կտրականապես անհամապատասխան է քեզ։

Անկիրթ։ Երևի թե միակ պատճառը անհամապատասխան լինելու համար այն է, որ աղջիկը լինի անկիրթ։

IMG_7889-1.jpeg (184 KB)

Ի՞նչ ես կարծում՝ տղամարդը և կինը կարո՞ղ են պարզապես ընկերներ լինել։

Այո, բայց միայն խելացի ու կրթված լինելու պարագայում՝ երկուսի դեպքում: Հակառակ դեպքում կողմերից մեկը, ուզած-չուզած, մտնում է ուրիշ դաշտ։

Մանկության տարիներին (կամ գուցե մինչև հիմա) եղե՞լ է հայտնի կին, աղջիկ, որին սիրահարված ես եղել:

Առաջին անգամ «Адвокат дьявола» ֆիլմը նայելուց սկսած՝ մինչ այսօր սիրահարված եմ Շառլիզ Թերոնին։

IMG_7888.jpeg (168 KB)

Հավատո՞ւմ ես «իդեալական կնոջ» տեսակին, թե՞ դա առասպել է։

Կա մի հստակ ճշմարտություն. իմ իդեալական կնոջ կերպարը երբեք չի կարող լինել ուրիշ մարդու իդեալական կնոջ կերպարը և հակառակը։ Իսկ ինձ համար իդեալական կերպարը կարող է չունենալ իդեալական կետեր, և հենց դա լինի իդեալական։

Ի՞նչ ես կարծում՝ տղամարդիկ կանանց մեջ ի՞նչն են թերագնահատում։

Համարձակությունը։

Շիկահերնե՞ր, թե՞ սևահերներ:

Շիկահերներ:

Քո կյանքում երբևէ եղե՞լ է անհասանելի աղջիկ:

Առհասարակ, իմ խորին համոզմամբ, աղջիկը պետք է միշտ լինի մի փոքր անհասանելի։ Այո։

Համաձա՞յն ես, որ կանայք ավելի հեշտ են ստանում իրենց ուզածը, քան տղամարդիկ։

Այո, կանայք ավելի նպատակասլաց են։

Ի՞նչ կմաղթես հայ կանանց Մարտի 8-ի առթիվ:

Որ միշտ լինեն գնահատված, սիրված ու պաշտպանված։ Թող նրանց աչքերում երբեք չմարի լույսը, իսկ սրտերում՝ հավատն ու ուժը։ Շնորհավոր Մարտի 8։

Սյունե Առաքելյան

Լուսանկարները՝ Սամվել Մալոյանի ինստագրամյան էջից


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search