Անցյալ ամառ, վերադառնալով արձակուրդից, անձնագրային անցակետում հերթ էի կանգնել, երբ հանկարծ հետեւից շշուկ լսեցի։ Մարմնովս սարսուռ անցավ։ Շրջվելով՝ 40 տարեկանին մոտ մի կին տեսա, ով, բարկությամբ մեր չվերթի երկու կանանց մասին էր խոսում։ Վերջինները կարճ կիսատաբատով, շատ շպարված երիտասարդ աղջիկներ էին։ Հավանաբար, նրանք հնագույն մասնագիտության տեր կանանցից էին, բայց չեմ դատում, քանի որ ականատես չեմ եղել: Իսկ հաշվի առնելով այն, թե երբեմն ինչպես են հագնվում մեր խիստ պատկառելի աղջիկները, լիովին վստահ չեմ կարող լինել։ Բայց խոսքը հիմա նրանց մասին չէ, այլ չարախնդող կնոջ։ Նենգ ժպիտը դեմքին՝ նա բարձրաձայնում էր այդ աղջիկների «փչացածության» մասին, ի դեպ՝ այնպիսի արտահայտություններով եւ այնպիսի վստահությամբ, կարծես ներկա էր եղել նրանց բոլոր սեռական հարաբերություններին։ Նրա չարախնդալը, սեփական բարձրարժեքության հարցում վստահությունն ամեն վայրկյան մեծանում էին՝ շնորհիվ նրա զրուցակիցների, որոնց ստիպված տղամարդ ենք անվանում միայն սեռական օրգանի առկայության պատճառով։ Նրանք քմծիծաղ էին տալիս եւ համաձայն էին չար կնոջ հետ, դրա հետ մեկտեղ, հազիվ թաքցնելով իրենց կիրքը, նայում էին քննարկվող աղջիկների կողմը։
Հայ կնոջ այս տեսակի հետ բախվել է մեզանից յուրաքանչյուրը։ Չպատճառաբանված մուննաթի հետ մեկտեղ, որը չի իջնում նրանց դեմքից նույնիսկ այն ժամանակ, երբ անմեղ երեխայի են նայում, աչքի են ընկնում վատ թաքցրած սեռական չբավարարվածությամբ։ Մշտապես հիասթափված լինելով՝ այդ կանայք չարախոսում են գեղեցիկ սեռի բոլոր ներկայացուցիչներին, ովքեր, նրանց կարծիքով, «փչացած» նիմֆոմանուհիներ եւ մարմնավաճառներ են։ Նրանք չարախոսելուց ու բամբասելուց յուրովի հաճույք են ստանում, ես կասեի անգամ օրգազմ՝ չխնայելով գեղարվեստական չափազանցությունները, որոնց հիմքում նրանց չբավարարված ցանկություններն են։
Նրանցից շատերը, եթե ոչ բոլորը, հոգու խորքում երազում են լինել իրենց բամբասանքի առարկայի փոխարեն։ Բայց թվացյալ բարոյականությունից դրդված՝ ստիպված ընտրում են արդարությունը: Իսկ իրականում նրանք առավել փչացած են, քան ամենավերջին պոռնիկը։ Ինչպես այդ տեսակը բնորոշել է իմ ընկերներից մեկը՝ «դառնա-порядочные»։ Նրանց պատկերացմամբ, կինը թեթեւաբարո է, եթե սովորել է Ռուսաստանում, շատ գեղեցիկ է եւ տղամարդկանց շրջանում հաջողություն է վայելում, ամուսնալուծված է, հանդիպել է մեկից ավելի տղամարդկանց հետ, չափից դուրս ժպտերես է, ընկերուհիների հետ երեկոյան ժամը 8-ից հետո սրճարան է գնում, ծխում է եւ այլն։ Առանց որեւէ խղճի խայթի նրանք կարող են այդպիսի կնոջ կյանքը փչացնել՝ նրա հասցեին բամբասանքներ տարածելով։ Ընդ որում, նրանք այդ այնքան համոզիչ ու հմտորեն են անում, քանի որ այդ է նրանց ամբողջ կյանքի իմաստը։
Այս կանանց մյուս տեսակն իրենց ամեն ինչ թույլ է տալիս, նույնիսկ՝ ավելին, բայց շրջապատի աչքին անմեղ սուրբ է ներկայանում։ Նրանք նկատում են ուրիշի աչքի փուշը, բայց՝ ոչ երբեք իրենց աչքի գերանը։ Այդպիսիք, ամուսնանալով, անմիջապես առաքինի կին են դառնում, որոնց վիրավորում է անգամ իրենց «բարոյական» միջավայրում «փչացած» կանանց ներկայությունը։ Թեեւ նրանցից յուրաքանչյուրը բազմիցս արհեստականորեն ընդհատել է հղիությունը եւ բազմաթիվ սիրեկաններ է ունեցել, բայց ինչ-որ հրաշքով ամուսինը նրա կյանքի «առաջին» տղամարդն է եղել կամ, ծայրահեղ դեպքում, երկրորդը։
Ալեքս Ալիխանյան
Հետևեք NEWS.am STYLE-ին Facebook-ում, Twitter-ում և Instagram-ում
10:17, 20 մայիսի
Նիկոլայ Նոսկովի առողջական վիճակը կտրուկ վատացել է09:00, 20 մայիսի
ՄԱՅԻՍԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում